جنیوا؍؍اقوام متحدہ نے بین الاقوامی انسداد بدعنوانی کے دن پر منشیات اور جرائم پر بدعنوانی کے خطرے کو اجاگر کرتے ہوئے کہا کہ بدعنوانی عام لوگوں کی روز مرہ زندگی کو متاثر کر رہا ہے ۔دنیا بھر میں پیر کو بین الاقوامی انسداد بدعنوانی دن منایا جا رہا ہے ۔ اس دن کا مقصد بدعنوانی کے خلاف لوگوں میں شعور پھیلانا ہے ۔ بین الاقوامی اینٹی کرپشن ڈے ہر سال نو دسمبر کو منایا جاتا ہے ۔اقوام متحدہ منشیات اور جرائم آفس (یواین او ڈي سی) کے ایگزیکٹیو ڈائرکٹر یوری فیڈو ٹوو نے اینٹی کرپشن ڈے کے موقع پر کہا‘‘بدعنوانی لوگوں کی روز مرہ کی زندگی کو متاثر کر رہا ہے ’’۔ مسٹر فیڈوٹوو نے کہا کہ بدعنوانی سے عوامی وسائل پر انحصار ختم ہو گیا ہے جو سماجی معاہدہ سے سمجھوتہ کرتے ہوئے معاشرے کے سب سے نچلی سطح کے لوگوں تک وسائل اور امکانات کو پہنچنے سے روکتا ہے ۔ انہوں نے کہا عام لوگوں تک وسائل کو پہنچانے میں بدعنوانی ایک اچھی دنیا کو بنانے میں ہماری کوششوں کو ناکام کر رہا ہے ۔ یواین او ڈی سی کے ڈائرکٹر جنرل نے کہا‘‘بدعنوانی کے خلاف جنگ جیتنے کے لئے غربت اور ان کے تفاوت کا مؤثر طریقے سے مقابلہ کر کے ضروری مواقع فراہم کرنا ہے ’’۔ قابل ذکر ہے کہ یواین اوڈي سي بین الاقوامی برادری میں بدعنوانی کے خلاف بیداری لانے کے لئے کانفرنس کرنے اور عالمی بدعنوانی مخالف ایجنڈا کو آگے بڑھانے میں مدد کرتا ہے
