آنگن واڑی ورکرز و ہیلپرز کے جائیز مطالبات کو حل کرنے پر دیا زور
دیپک شرما
کشتواڑ ؍؍ راسٹریہ کرانتی کاری ٹریڈ یونین آف انڈیا کے سٹیٹ جنرل سیکریٹری شاہنواز آہنگر نے گورنر انتظامیہ سے مطالبہ کرتے ہوئے کہا کہ وہ جلد ہی آنگن واڑی ورکرز و ہیلپرز کے جائیز مطالبات کو حل کرنے کی ضرورت پر زور دے۔ آہنگر نے کہا کہ آنگن واڑی ورکرز و ہیلپرز کے مشاہرے کو براہ راست اپنے ہی محکمہ سے دینے کی ضرورت پر زور دیتے ہوئے کہا کہ سرپنچ اور ممبروں کے خاتون میں اگر اس رقم کو دیا جارہا ہے تو اس حکم نامے کو فوری واپس لیا جائے۔انہوں نے کہا کہ آنگن واڑی ورکرز و ہلپرز کی آواز کو انسانی بنیادوں پر اُجاگر کرنے کی ضرورت ہے۔ آہنگر نے کہا کہ اس سلسلہ میں پہلے ہی مرکزی انتظامیہ کو آگاہ کیا گیا ہے۔شاہنواز آہنگر نے کہا کہ جلد ہی اس بابت ایک خط مرکزی حکومت کو بھی آراسال کیا جائے گا۔آہنگر نے کہا کہ سرپنچ اور مبران کے اکونٹ سے دی جانے والی تنخواہ کے اس حکمنامے کو فوری طورپر واپس لینے کی ضرورت ہے۔آہنگر نے کہا کہ راسٹریہ کرانتی ٹریڈ یونین آف انڈیا ملک گیر طرز پر ملازمین، کسان، مزدوروں اور تاجران کی آواز کو بلند کرتی ہے، آہنگر نے کہا کہ ریاستی حکومت جلد ہی بیروزگار نوجوانوں کے لے بیروزگاری بتہ جاری کرے تاکہ بے روزگار سے جوج رہے نوجوان اپنی زندگی خوشحال طریقے سے گزار سکے، آہنگر نے کہا کہ جلد ہی ریاستی سطح پر ایک اجلاس بھی منعقد کیا جائے گا جس میں مسایل و مطالبات کو سنا جائے گا اور مرکزی انتظامیہ سے ان مطالبات کو حل کرنے کی کوشش عمل میں لائی جائے گی۔
