یو این آئی
نئی دہلی//ہندوستان اور سری لنکا نے آج دہشت گردی سے مقابلے اور ملکی معاشی ترقی کے لیے مشترکہ طور پر کام کرنے کا عزم ظاہر کیا۔ اسی مقصدسے ہندوستان نے سری لنکا کو 45 کروڑ ڈالر کا آسان قرض دینے کا اعلان کیا۔ وزیر اعظم نریندر مودی اور سری لنکا کے نو منتخب صدر گوٹابایا راج پکشے نے یہاں حیدرآباد ہاؤس میں تقریباً ڈیڑھ گھنٹے تک چلنے والے دو طرفہ اجلاس میں دہشت گردی، تمل مسئلہ، انٹر کاسٹ ہم آہنگی، ڈھانچہ جاتی ترقی، ہندوستانی ماہی گیروں کے مسائل وغیرہ پر مثبت مذاکرہ کیا اور دونوں ملکوں کے تعلقات کو نئی بلندی پر لے جانے کے عزم کا اظہار کیا۔ مسٹر مودی نے اجلاس کے بعد پریس بیان میں کہا کہ دونوں رہنماؤں کے درمیان تعلقات اور باہمی مفاد کے عالمی امور پر بہترین اور مفید مذاکرہ ہوا۔ ہم نے فیصلہ کیا ہے کہ دونوں ملکوں کے درمیان کثیر جہتی شراکت داری اورباہمی تعاون کو ہم مشترکہ طور مزید مستحکم کریں گے ۔ وزیر اعظم نے کہا کہ ان کی حکومت‘ ہمسایہ پہلے ’کی پالیسی اور ‘بحری اصول’ کے مطابق سری لنکا کے ساتھ اپنے رشتوں کو ترجیح دیتی ہے ۔ ہمارے دونوں ملکوں کی سلامتی اور ترقی غیرمنقسم ہے لہٰذا یہ فطری ہے کہ ہم ایک دوسرے کی سلامتی اور حساسیات کے تئیں خبردار رہیں۔ انہوں نے سری لنکا کے ساتھ ترقیاتی شراکت داری کے لیے ہندوستان کے پابند عہدہونے کی یقین دہانی کرائی ہے ۔ یہ تعاون سری لنکا کے عوام کی ترجیحات کے مطابق ہوگا۔ 40 کروڑ ڈالرکے ایک نئے قرض سے سری لنکا میں بنیادی انفراسٹرکچر اور معاشی ترقی کو فروغ ہوگا۔انہوں نے دعویٰ کیا کہ باہمی سلامتی کے لیے اور دہشت گردی کے خلاف باہمی تعاون کو مزید مستحکم کرنے کے حوالے سے ان کے اورمسٹر راج پکشے کے مابین تفصیلی مذاکرہ ہوا ہے ۔ دہشت گردی سے نمٹنے کی خاطر سری لنکاکے لیے پانچ کروڑ ڈالر کے ایک خصوصی قرض کا اعلان کرتے ہوئے انہوں نے اظہارِ مسرت کیا۔مسٹر مودی نے کہا کہ علاوہ ازیں ماہی گیروں کے روزگار کو متاثر کرنے والے مسائل پر بھی مذاکرہ ہوا۔ ہمارے درمیان اتفاق رائے ہے کہ ہم اس معاملے میں اختراعی اور انسانی نقطہ نظر کو جاری رکھیں گے ۔ انہوں نے کہا،‘ مجھے یقین ہے کہ سری لنکائی حکومت تملوں کی یکسانیت (مساوات)، انصاف، امن اور احترام کی امیدوں کو پورا کرنے کے لیے انٹر کاسٹ میل ملاپ کے عمل کو فروغ دے گی۔وزیر اعظم نے کہا کہ ہندوستان ہمیشہ سے ہر طرح کی دہشت گردی کا مخالف رہاہے اور سرحد پار دہشت گردی سمیت دیگر طرح کی دہشت گردی کے خلا ف عالمی برادری سے کاروائی کی امید بھی رکھتا ہے ۔ رواں برس ایسٹر کے موقع پر سری لنکا میں دہشت گردوں نے پوری انسانیت کے تنوع اور مشترکہ زندگی کی قیمتی وراثت پر بے دردانہ حملے کیے ۔ دہشت گرد اور متشدد طاقتوں کے خلاف سری لنکا کی لڑائی میں ہندوستان کی اٹل حمایت ظاہر کرنے کے مقصد سے وہ ہندوستان میں انتخابات کے بعد فوراً سری لنکا گئے تھے ۔انہوں نے کہا،‘ باہمی سلامتی کے لیے اور دہشت گردی کے خلاف باہمی تعاون کو مزید مستحکم کرنے کے لیے میں نے صدر راج پکشے کے ساتھ تفصیل سے گفتگو کی ہے ۔ اہم ہندوستانی اداروں میں سری لنکا کے پولیس افسر انسداد دہشت گردی کی ٹریننگ کا فائدہ پہلے سے ہی اٹھا رہے ہیں۔ دہشت گردی سے نمٹنے کے لیے سری لنکا کو پانچ کروڑ ڈالر کے ایک خصوصی قرض کا اعلان کرتے ہوئے مجھے خوشی ہورہی ہے ’ْ۔سری لنکا کے صدر نے بھی کہا کہ مسٹر مودی کے ساتھ ان کی گفتگو بہت خوشگوار ماحول میں ہوئی ہے ۔ ہندوستان۔ سری لنکا کا قریب ترین پڑوسی اورمستقل دوست ہیں۔ دہشت گردی سے مقابلے میں خفیہ اطلاعات کے تبادلہ اور سکیورٹی فورسز کو ٹریننگ کا تعاون اہم ہے ۔ مسٹر راج پکشے نے ہندوستان کی جانب سے ڈھانچہ جاتی ترقی کے لیے 40 کروڑ ڈالر اور دہشت گردی سے مقابلے میں تعاون کے لیے پانچ کروڑ ڈالر کے آسان قرض کے اعلان کے لیے مسٹر مودی کا شکریہ ادا کیا۔ انہوں نے کہا کہ ہندوستان ایک عظیم معاشی طاقت کے بطورابھر رہا ہے ۔ ہم نے مذاکرہ کیا ہے کہ سری لنکا اس موقع کا کس طرح سے فائدہ اٹھا سکتا ہے ۔ ہم نے تجارت کو مہمیز دینے کے بارے میں بھی چرچا کی ہے ۔ وزیر اعظم مودی نے سری لنکا حکومت کے تمام تجویزوں پر مثبت رد عمل ظاہر کیا ہے جس کے لیے وہ ان کا شکریہ ادا کرتے ہیں۔انہوں نے کہا کہ ہم نے ماہی گیروں کے مسائل پر گفتگو کی ہے ۔ سری لنکا کے قبضے سے ہندوستان کی تمام کشتیوں کو واپس کیا جائے گا۔ قبل ازیں مسٹر مودی نے راج پکشے کو انتخابات میں جیت کی مبارکباد دیتے ہوئے کہاتھا،‘ سری لنکا میں مستحکم جمہوریت قابل فخراور خوشی کا باعث ہے ۔ آپ( راج پکشے ) کو حاصل عوامی حمایت(ووٹ) ایک منظم، مضبوط اور خوشحال ترقی کے لیے سری لنکا کے عوام کی امیدوں کا مظہر ہے ۔ اس تعلق سے ہندوستان کی نیک خواہشات اور حمایت ہمیشہ سری لنکا کے ساتھ ہیں۔ ایک مستحکم، محفوظ اور خوشحال سری لنکا نہ صرف ہندوستان کے مفاد میں ہے بلکہ پورے بحر ہند کے خطے کے بھی مفاد میں ہے ’۔ وزیر اعظم نے دونوں ملکوں کے درمیان کثیر جہتی شراکت داری اور تعاون کو مشترکہ طور پرمزید مسحتکم کرنے کے عزم کا اظہار کرتے ہوئے کہا کہ انہوں نے سری لنکا کے صدر کو ترقی کی شراکت داری اور تعاون کے لیے ہندوستان کے پابند عہد ہونے کی یقین دہانی کرائی ہے جو ہمیشہ کی طرح سری لنکا کے عوام کی ترجیحات کے مطابق ہوگا۔ 40 کروڑ ڈالر کے نئے آسان قرض سے سری لنکا میں بنیادی انفراسٹرکچر اور معاشی ترقی کو فروغ حاصل ہوگا۔ اس سے سری لنکا کو فائدہ پہنچے گا۔ ساتھ ہی یہ رقم دونوں ملکوں کے درمیان باہمی مفادات کے منصوبوں پر جلد عمل درآمدکو رفتار دے گی۔ انہوں نے کہا،‘ ہمیں خوشی ہے کہ ہندوستانی رہائشی منصوبے کے تحت سری لنکا کے شمالی اور مشرقی صوبوں میں داخلی نقل مکانی کرنے والوں کے لیے 46 ہزار گھر بن چکے ہیں۔ ہندنژاد تملوں کے لیے 14 ہزار گھروں کی تعمیر میں اچھی ترقی ہورہی ہے ۔ مجھے اس بات کی خوشی ہے کہ ہم سری لنکا میں شمسی توانائی کے منصوبوں کے لیے پہلے سے اعلان شدہ 10 کروڑ ڈالر کے پرانے قرض کو جلد استعمال لانے پر متفق ہوئے ہیں’۔ مسٹر مودی نے کہا کہ ہندوستان کی جانب سے سری لنکا اور ڈھانچہ جاتی ترقی میں گرانٹ کی بنیا د پر جاری 20 کمیونٹی ترقی کے منصوبوں اور دیگر عوام مرتکز منصوبوں پر بھی دونوں کے درمیان بہترین مذاکرہ ہوا۔ شمال اور مشرق سمیت پورے سری لنکا میں ترقی کے لیے ہندوستان ایک قابل معتمد شراکت دار بنے گا۔انہوں نے کہا،‘ ہم نے سری لنکا میں انٹر کاسٹ ہم آہنگی پر بھی کھل کر تبادلہ خیال کیا۔ صدر راج پکشے نے انٹر کاسٹ ہم آہنگی پر ان کے ہمہ جہت سیاسی نقطہ نظر کے بارے میں مجھے بتایا ۔ مجھے یقین ہے کہ سری لنکا حکومت تملوں کی یکسانیت (حق مساوات)، انصاف، امن اور احترام کی امیدوں کو پورا کرنے کے لیے میل جول کے عمل کو فروغ دے گی۔ اس میں آئین کے 13 ویں ترمیم کو نافذ کرنے کا عمل شامل ہے ’۔انہوں نے کہا کہ مسٹر راج پکشے کے دورے سے ہندوستان اور سری لنکا کی دوستی کے رشتوں کو مزید قوت ملے گی۔ ہمارا تعاون دونوں ملکوں میں ترقی اور خطے میں خوشحالی، امن اور استحکام کو فروغ دے گا۔ یہ اس بات کا اشارہ بھی ہے کہ دونوں ملک تعلقات کو کتنی اہمیت دیتے ہیں۔ دونوں ملکوں کی ترقی اور اس پوری شراکت داری سے خطے میں امن، خوشحالی اور سلامتی کے لیے ہم قربت اور پختگی سے کام کرنے پر تیار ہیں
