نئی دہلی، (یواین آئی)راجیہ سبھا میں پیر کو دو حالیہ اور تین سابق آنجہانی اراکین پارلیمنٹ کو خراج عقیدت پیش کیاگیاْایوان کی کارروائی شروع ہوتے ہی چیئرمین ایم وینکئیا نائیڈو نے ارون جیٹلی اور رام جیٹھملانی اور سابق رکن جگنناتھ مشر،سکھ دیو سنگھ لبرا اور گروداس داس گپتا کے انتقال کی اطلاع ایوان کودی۔مسٹر نائیڈو نے کہا کہ مسٹر جیٹلی کا انتقال 67برس کی عمر میں 24اگست کو ہواتھا۔سال 1952میں پیدا ہوئے مسٹر جیٹلی نے طلبہ انقلابات کے دوران ہی اپنی سیاسی زندگی کی شروعات کی تھی۔سال 1974میں جے پرکاش تحریک کے دوران وہ جیل بھی گئے تھے ۔وہ چار مرتبہ راجیہ سبھا کے رکن رہے تھے ۔
مسٹر جیٹیلی مرکزی وزیر دفاع ،خزانہ،اطلاعات و نشریات،تجارت و صنعت کے وزیر رہے تھے ۔وہ ایوان کے لیڈر اور اپوزیشن کے لیڈر بھی تھے ۔انہیں بہترین ممبرپارلیمنٹ کے اعزاز سے بھی نوازا گیاتھا۔مسٹر نائیڈو نے کہا کہ مسٹر جیٹلی بہترین منتظم ہونے کے ساتھ ساتھ اچھے قانون داں بھی تھے ۔وہ دہلی ریاست کے کرکٹ اسوسی ایشن کے صدر بھی تھے ۔انہوں نے کہا کہ مسٹر رام جیٹھ ملانی کا انتقال گزشتہ آٹھ ستمبر کو 95برس کی عمر میں ہوگیاتھا۔ان کی پیدائش پاکستان میں ہوئی تھی اور سندھ کی عدالت سے انہوں نے وکالت کی شروعات کی تھی۔وہ چار مرتبہ بارکونسل آف انڈیا کے صدررہے تھے ۔چھٹی اور ساتویں لوک سبھا کے رکن بھی تھے اور چھ بار راجیہ کے رکن بھی رہے تھے ۔انہوں نے کرناٹک،مہاراشٹر اور بہار سے راجیہ سبھا کی نمائندگی کی تھی۔دو بار وہ راجیہ سبھا کے نامزد رکن رہے تھے ۔مسٹر جیٹھ ملانی قانون اور شہری ترقی کے مرکزی وزیر بھی رہے تھے اور بہترین قانون داں تھے ۔بعد میں اراکین نے خاموشی سے کھڑے ہوکر آنجہانی لوگوں خراج عقیدت پیش کیا اور اس کے بعد ایوان کی کارروائی ان کے احترام میں دو بجے تک کے لئے ملتوی کردی گئی۔ایوان کے لیڈر تھاور چند گہلوت،اپوزیشن کے لیڈر غلام نبی آزاد ،بھارتیہ جنتا پارٹی کے جگت پرکاش نڈا،کانگریس کے آنند شرما،ترنمول کانگریس کے ڈیرک اوبرائن ،اے آئی اے ڈی ایم کے کے اے نونیت کرشنن،سماجوادی پارٹی کے رام گوپال یادو،بیجو جنتا دل کے پرسننا آچاریہ ،نیشنلسٹ کانگریس پارٹی کے شرد پوار،جنتا دل یونائیٹڈ کے رام چندر پرساد سنگھ،تلنگانہ راشٹر سمیتی کے کے کیشو راو ،مارکسی کمیونسٹ پارٹی کے ٹی کے رنگراجن ،ڈی ایم کے کے تروچی شیوا،بہوجن سماج پارٹی کے ویر سنگھ،وائی ایس آر کانگریس پارٹی کے وجے سائی ریڈی،ایم ڈی ایم کے کے وائیکو،ریپبلیکن پارٹی آف انڈیا کے رام داس اٹھاولے ،شیوسینا کے کے سنجے راؤت،کمیونسٹ پارٹی آف انڈیا کے ونے وسوم اور راشٹریہ جنتا دل کے منوج کمار جھا نے بھی آنجہانی لیڈروں کو خراج عقیدت پیش کیا۔
