گاؤرکشکوں کے نام پر غنڈہ گردی کرنے والوں درندوں پر سرکار کو لگام کسنا ہوگی:مسعود چوھدری
کہاسبز۔زعفرانی اتحادوالی سرکار کی پالیسیوں سے ہندؤں مسلم بھائی چارہ خطرے میں
قیوم نظامی
کوٹرنکہ ؍سینئرکانگریس لیڈر اسمبلی حلقہ درحال بدھل کی مشہور شخصیت مسعود نسیم چوہدری نے ایک پریس بیان میں کہا کہ جو چند دن پہلے خواص میں بزرگ شخص پر قاتلانہ حملہ ہوا ہے جس کی جتنی بھی مذمت کی جائے کم ہے ۔انہوں نے مزمت کرتے ہوئے مرکزی اور ریاستی مخلوط سرکار پر الزام عائد کرتے ہوئے کہا کہ یہ سب حکومت کے فتنہ وفساد ہیں۔ انہوں نے کہا کہ جب سے ریاست میں بی جے پی اور پی ڈی پی کی مخلوط سرکار بنی ہے تب سے ریاست میں آر ایس ایس کے خونخوار درندے مسلمانوں پر قاتلانہ حملے کررہے ہیں لیکن حکومت اپنی کرسی کی خاطر اپنے چیلوں اپنے درندوں پر لگام نہیں کستی جس کی وجہ سے آئے دن انسانی جانوں پر ظلم ہورہاہے اور لعل حسین جیسے بزرگوں کو لہولہان کردیا جاتاہے ۔مسعود چوھدری نے تشویش کا اظہار کرتے ہوئے کہا کہ کیا ظلم کیا تھا لعل حسین نے کہ اس بزرگ پر ایک درجن منحوس خونخوار درندوں نے حملہکیا کیا اب مسلمان گائے کے ساتھ ہاتھ بھی نہیں لگا سکتے ؟کیامسلمان اب گائے نہیں پال سکتے؟۔انہوں نے کہا کہ اگر ریاستی مخلوط حکومت چاہئے تو یہ سب دہشت گردی غنڈہ گردی فتنہ وفساد ختم ہو سکتا ہے لیکن حکومت کے کان میں جوں تک بھی نہیں رنگتی حکومت کو انسانی جانوں کی کوئی فکر ہی نہیں ہے ۔فکر ہے تو صرف اور صرف کرسی کی اقتدار کی ۔مسعود چوھدری نے واضح کیا کہ جو غنڈے گاؤرکشک کے نام پر دہشت پھیلاتے ہیں ان پر سرکار کو لگام کسنا ہوگی ورنہ ریاست کے حلات دن بدن خطرناک ہوتے جارہے ہیں ریاستی عوام میں ڈر اور خوف پیدا ہو گیا ہے ۔انہوں نے کہا کہ خواص جیسے علاقہ میں جہاں ہندؤں مسلم بھائی چارے کی ایک مثال دیکھنے کو ملتی ہے لیکن حکومت کی نااہلی کی وجہ سے آر ایس ایس نے وہاں پر جال بچھا کے لوگوں کے بھائی چارے کو بھی نقصان پہنچایا ہے جو کہ ناقابل برداشت ہے۔
