مشقوں کا مقصد فوج کو کسی بھی ہنگامی حالات کے لیے تیار رکھنا ہے،ترجمان صیہونی فوج
یواین این
مقبوضہ بیت المقدس //اسرائیلی فوج نے فلسطین کے علاقے غزہ کی پٹی کے قریب اشکول کے علاقے میں غزہ کی جنوبی سرحد کے ساتھ بڑے پیمانے پر مشقیں شروع کردیں۔غیرملکی خبررساں ادارے کے مطابق اسرائیلی فوج کے ترجمان کا کہنا تھا کہ گذشتہ روز شروع ہونے والی مشقیں شیڈول کا حصہ ہیں۔ ان فوجی مشقوں میں مقامی کونسلوں کی طرف سے تعاون حاصل ہے۔عینی شاہدین کا کہنا تھا کہ مشقوں کے دوران غزہ کی سرحد کے قریب اسرائیلی فوج کی بھاری نفری اور جنگی گاڑیوں کی آمد وفت دیکھی گئی۔ترجمان کا کہنا تھا کہ فوجی مشقوں کا مقصد فوج کو کسی بھی ہنگامی حالات کے لیے تیار رکھنا ہے
