نئی دہلی، 04 نومبر (یو این آئی ) ہندوستانی کپتان روہت شرما نے بنگلہ دیش کے خلاف ارون جیٹلی اسٹیڈیم کوٹلہ گراؤنڈ میں پہلے ٹی -20 میچ میں اتوار کو ایک ساتھ دو ریکارڈ بنا ڈالے ۔ وراٹ کوہلی کو اس سیریز میں آرام دیئے جانے کے بعد اس سیریز میں ہندستان کی کپتانی سنبھال رہے روہت نے میدان میں اترنے کے ساتھ ہی سابق کپتان مہندر سنگھ دھونی کا ہندستان کی جانب سے سب سے زیادہ ٹی -20 میچ کھیلنے کا ریکارڈ توڑ ڈالا۔ روہت کا یہ 99 واں میچ تھا اور وہ دھونی کے 98 میچوں سے آگے نکل گئے ۔ روہت اگرچہ پہلے اوور کی آخری گیند پر آؤٹ ہو گئے لیکن پانچ گیندوں پر دو چوکوں کی مدد سے بنی اپنی نو رنز کی مختصر اننگز میں انہوں نے وراٹ کو پیچھے چھوڑ دیا اور ٹی -20 میں ہندوستان کی طرف سے سب سے زیادہ رن بنانے والے بلے باز بن گئے ۔ روہت کے اب 99 میچوں میں 2452 رنز ہو گئے ہیں جبکہ وراٹ کے 72 میچوں میں 2450 رنز ہیں۔ہندوستان کی طرف سے سب سے زیادہ ٹی -20 کھیلنے والے پانچ کھلاڑی:99 روہت شرما98 مہندر سنگھ دھونی78 سریش رینا72 وراٹ کوہلی
