یواین آئی
ممبئی ؍؍بالی ووڈ کی باربی ڈول قطرینہ کیف ایک بار پھر کنگ خان شاہ رخ خان کے ساتھ کام کرتی نظر آ سکتی ہیں۔شاہ رخ اور قطرینہ پچھلی بار فلم زیرو میں ایک ساتھ نظر آئے تھے ۔ زیرو کی ہدایت کر چکے آنند ایل رائے ایک بار پھر شاہ رخ اور قطرینہ کو ایک ساتھ لا سکتے ہیں. کہا جا رہا ہے کہ آنند کی اگلی فلم میں قطرینہ ایک پولیس آفیسر کا کردار ادا کرتی نظر آ سکتی ہیں۔کہا جا رہا ہے کہ یہ فلم کوریائی زبان کی فلم ‘مس اور مسز کاپس’ کا ہندی ریمیک ہوگی. شاہ رخ اس فلم کا پروڈکشن سنبھال رہے ہیں اور امکان اس بات کا بھی ہے کہ وہ اس فلم میں صرف مہمان اپیئرنس ہوں گے ۔ فلم زیرو کے فلاپ ہونے کے بعد سے شاہ رخ زیادہ تر وقت پروڈکشن اور بھائنڈ دا کیمرہ کی طرف دے رہے ہیں۔
