بوپنا-شاپووالوو کوارٹر فائنل میں

یواین آئی
پیرس؍؍ ہندوستان کے روہن بوپنا اور کینیڈا کے ڈینس شاپووالوو نے آسان جیت کے ساتھ پیرس ماسٹرز ٹینس ٹورنامنٹ کے کوارٹر فائنل میں داخلہ حاصل کر لیا ہے ۔ روہن بوپنا اور ڈینس شاپووالوو نے ارجنٹینا کے میک سمو گونزالز اور امریکہ کے آسٹن کرایجیک کی جوڑی کو یک طرفہ انداز میں 6-1، 6-3 سے شکست دی۔ فاتح جوڑی نے یہ مقابلہ ایک گھنٹے میں جیتا اور 13 میں سے چار بریک پوائنٹس کو کامیاب کیا ۔ بوپنا اور شاپووالوو کا کوارٹر فائنل میں روسی جوڑی کارن خاچانوو اور آندرے ربلیو سے مقابلہ ہوگا۔ اس دوران ہندستان کے دوج شرن اور نیوزی لینڈ کے آرٹیم ا ستاک کو فرانسیسي جوڑی جیریمی چارڈي اور فیبرس مارٹن سے 54 منٹ میں 2-6، 3-6 سے شکست کا سامنا کرنا پڑا۔ دوج شرن اور آرٹیم استاک کو پري کوارٹرفائنل تک پہنچنے کے لئے 18،730 یورو اور 90 اے ٹی پی پوائنٹس ملے ۔