ماہ ربیع الاول کے حوالے سے جماعت رضائے مصطفی منڈی نے عالم اسلام کو مبارک باد پیش کی
ریاض ملک
منڈی ؍؍ ماہ ربع الاول کے حوالے سے مرکزی جامع مسجد شریف رضائے مصطفی منڈی میں آج پہلی محفل میلاد کا اہتمام کیا گیا – اس کے علاوہ پورے ملک کے ساتھ ساتھ جموں وکشمیر کے چپہ چپہ میں بھی مساجد میں محفلوں کا انعقاد کیا جاتاہے- ماہ ربیع الاول سے لیکر بارہ ربیع الاول تک تمام مساجد میں عاشقان رسول صل اللہ علیہ وسلم ان کی ولادت باسعادت کے حوالے سے محفلوں کا انعقاد کرکے نعت منقبت درودوازکار تقاریر پیش کرتے ہیں – اس حوالے سے آج جماعت رضائے مصطفی منڈی اراکین کمیٹی کی جانب سے ایک پریس کانفرنس کا اہتمام کیا گیا – جس میں تمام عالم اسلام کے مسلمانوں کو مبارک باد پیش کی گئی تنظیم کے صدر سید مسرت حسین نے کہا یہ ماہ مبارک عظمتوں اور برکتوں کا مہینہ ہے جس میں ہمارے آقا ومولی دوجہاں کے سردار جناب سرور کائینات تشریف لائے۔ انہوں نے اراکین کمیٹی جمارت رضائے مصطفی منڈی کی جانب سے تمام عالم اسلام بالعموم جموں وکشمیر کے مسلمانوں کو اور بالخصوص ضلع پونچھ منڈی سرنکوٹ مینڈھر وغیرہ کے مسلمانوں کو مبارک باد دیتے ہوئے کہا کہ وہ میلاد پاک کی مناسبت سے منعقدہ محفلوں میں اپنی شرکت بنائیں – منڈی کے حوالے سے بات کرتے ہوے کہا کل جماعت رضائے مصطفی منڈی کی اہم مشاورت ہوئی جس میں محفلوں کے انعقاد کو لیکر تمام تر پروگراموں کو آخری شکل دی گئی ۔ جو اج یعنی یکم ماہ ربیع الاول سے شروع ہوکر گیارہ ربیع الاول تک بڑے عقیدت واحترام سے جاری رہیں گی اور بارہ ربیع الاول کو منڈی میں ایک تاریخ ساز پروگرام کا اہتمام کیا گیا ہے۔ جس میں علماء کرام سیرت رسول عربی اور میلاد رسول صل اللہ علیہ وسلم کے حوالے سے روشنی ڈالیں گے۔ انہوں نے تمام لوگوں سے اپیل کی کہ وہ ان محفلوں میں ہر روز شامل ہوکر اجروثواب کے مستحق بنیں – جہاں ذکر رسول ہوتاہے- وہاں رحمتوں کا نزول ہوتاہے- تمام مسلمانوں کو چاہیے کہ وہ اپنے پیارے آقا کی میلاد عقیدت واحترام سے منائیں محفلیں سجائیں دعاوں کا اہتمام کریں۔ علماء کرام اخلاق رسول صل اللہ علیہ وسلم صحیح معنوں عوام کے سامنے پیش کریں ۔اس موقع پر جماعت رضاے مصطفے منڈی کے جنرل سیکرٹری ڈاکٹر غلام عباس ہمانی تسنیم ہمدانی وغیرہ شام رہے ۔
