شرکاء کو موہالی اور چندی گڑھ میں سیاحتی اور تاریخی مقامات کو دیکھنے کو ملے گا
تنہا ایاز
پلوامہ؍؍ نہرو یوا کندر سرینگر کی جانب سے کشمیر ایکسچینج پروگرام کے تحت لڑکوں اور لڑکیوں کے ایک گروپ کو دس روزہ ٹور پر روانہ کیا گیا۔تفصیلات کے مطابق ایس ایچ او شالٹنگ رنبیر سنگھ نے ضلع سرینگر نہرو یوا کندر سے وابستہ 22 لڑکوں اور لڑکیوں پر مشتمل ایک گروپ کو موہالی اور چندی گڑھ دورے پر جھنڈی دکھا کر روانہ کیا۔اس حوالے سے ایک تقریب منعقد ہوئی اس موقع پر ایس ایچ او رنبیر سنگھ اور وادی کے نامور سماجی کارکن راہی ریاض کے علاوہ دیگر افراد موجود تھے۔
https://nyks.nic.in/
ٹور پر روانہ ہونے سے قبل منعقدہ تقریب کے دوران ایس ایچ او شالٹنگ رنبیر سنگھ نے نوجوانوں سے بات چیت کی۔نہروں یوا کندر سرنگر کے عہدیداروں نے ٹور کے حوالے سے تفصیلی جانکاری دی۔اس دوران سماجی کارکن راہی ریاض نے بتایا کہ دس روزہ ٹور کے دوران ضلع سرینگر کے مختلف علاقوں سے وابستہ لڑکوں اور لڑکیوں کو موہالی اور چندی گڑھ میں سیاحتی اور تاریخی مقامات کو دیکھنے کو ملے گا۔انہوں نے مزید کہا کہ اس دورے کا اہتمام نہرو یوواکندر وزارت برائے نوجوان کے امور کھیل حکومت ہند کیا ہے۔
