تقسیم تقرری خطوط کیلئے ہائرسکینڈری سکول گو ل میں تقریب کا انعقاد
لطیف ملک
گول؍؍ہائر سکینڈری سکول گول میں ایک تقریب منعقد ہوئی جس میں سکولوں میں لگائے گئے آیائوں میں حکم نامے تقسیم کئے گئے۔
https://villageinfo.in/jammu-&-kashmir/reasi/gool-gulabgarh/gulab-garh.html
پرنسپل ہائر سکینڈری سکول وانچارج زیڈ ای او گول فاروق احمد کی زیر نگرانی میں تقریب میں ڈی ڈی سی چیئر پرسن ڈاکٹر شمشادہ شان مہمان خصوصی کے طور پر موجود تھیں اس موقعہ پر بہت سارے لوگوں نے اس پروگرام میں شرکت کی۔ اس تقریب میں زون گول میں 120آیائوں میں حکم نامے تقسیم کئے گئے جو شہ سماگرہ اسکیم کے تحت لگائی گئی ہیں۔ اس موقعہ پر تقریب سے خطاب کرتے ہوئے ڈاکٹر شمشماد ہ شان نے کہا کہ سکولوں میں بہتر تقسیم کے لئے اساتذہ کی کمی کو دور کرنا از حد لازمی ہے جس کے لئے وہ جلد وزیر تعلیم سکینہ ایتو کے پاس جا کر یہاں پر اسکولوں میں اساتذہ کی کمی کے مسئلے کو اْٹھائے گی۔ انہوں نے اس موقعہ پر ہائر سکینڈری سکول گول میں گراونڈ ، باڑ بندی ، سی سی ٹی کیمرے نصب کرنے کے لئے اپنے ڈی ڈی سی فنڈس سے چالیس لاکھ روپے دینے کا بھی اعلان کیا۔ انہوں نے موقعہ پر ہی ہائر سکینڈری سکول میں فیزیکل ٹیچر کی تعیناتی کا بھی اعلان کیا۔ اس موقعہ سینئر لیکچرار منظور احمد تراگوال، نواز احمد وانی ، شمس الدین ملک ،فیاض احمد میر ، بشیر احمد وانی کے علاوہ دوسرے اساتذہ کرام نے بھی اس تقریب میں شمولیت اختیار کی اور اپنے خیالات کا اظہار کیا۔
