لازوال ویب ڈیسک
سری نگر،//شمالی کشمیر کے ضلع بارہمولہ کے قصبہ سوپور کےساگی پورہ علاقے میں گذشتہ شب سے جاری ملی ٹنٹ مخالف آپریشن کے دوران دو عدم شناخت ملی ٹنٹ مارے گئے۔
https://baramulla.nic.in/police/
ایس ایس پی سوپور دویا ڈی نے میڈیا کو بتایا: ’گذشتہ شام سیکورٹی فورسز کو سوپور میں دو دہشت گردوں کی موجودگی کے بارے میں اطلاع موصول ہوئی‘۔انہوں نے کہا: ’ہم نے سیکورٹی فورسز کے ساتھ مل کر علاقے میں فوری طور پر مشترکہ آپریشن شروع کر دیا جو ہنوز جاری ہے‘۔ان کا کہنا تھا: ’اس دوران دو دہشت گردوں کو ہلاک کر دیا گیا جن کی شناخت معلوم کی جار ہی ہے‘۔
ایس ایس پی نے کہا کہ ان کی تحویل سے بھاری مقدار میں اسلحہ و گولہ بارود بر آمد کیا گیا۔انہوں نے کہا کہ علاقے میں آپریشن ابھی بھی جاری ہے۔
قبل ازیں کشمیر زون پولیس نے ’ایکس‘ پر ایک پوسٹ کے ذریعے جانکاری فراہم کرتے ہوئے کہا: ’سوپور میں انکائونٹر کے دوران دو دہشت گرد مارے گئے‘۔انہوں نے کہا: ’مہلوک دہشت گردوں کی شناخت اور تنظیمی وابستگی معلوم کیا جا رہی ہے‘۔پوسٹ میں مزید کہا گیا کہ ان کی تحویل سے اسلہ و گولہ بارود اور قابل اعتراض مواد بھی بر آمد کیا گیا۔پولیس نے جمعرات کی رات دیر گئے بتایا کہ بارہمولہ کے پانی پورہ سوپور میں ملی ٹنٹوں کے چھپے رہنے کے متعلق مصدقہ اطلاع ملنے پر پولیس اور سیکورٹی فورسز نے علاقے میں ملی ٹنٹ مخالف آپریشن شروع کر دیاانہوں نے کہا کہ تلاشی کے دوران طرفین کے درمیان گولیوں کا تبادلہ ہوا۔
پولیس ذرائع نے بتایا کہ سیکورٹی فورسز نے رات کو اندھیرے کے پیش نظر آپریشن کو معطل کر دیا تاہم تمام راستوں کو مسدود کر دیا تاکہ پھنسے ہوئے ملی ٹنٹوں کو فرار ہونے کا کوئی موقع نہ مل سکےانہوں نے کہا کہ جمعہ کی صبح طرفین کے درمیان گولیوں کا تبادلہ دوبارہ شروع ہوا۔بتادیں کہ یہ شمالی کشمیر میں رواں ہفتے کے دوران ہونے والا تیسرا انکائونٹر ہے۔قبل ازیں کپوارہ اور بانڈی پورہ میں ہونے والے دو الگ الگ انکائونٹرز میں دو ملی ٹنٹ مارے گئے۔
