لازوال ویب ڈیسک
پونے، // واشنگٹن سندر (سات وکٹ) اور روی چندرن اشون (تین وکٹ) کی مہلک گیند بازی کی وجہ سے ہندوستان نے جمعرات کو دوسرے ٹیسٹ میچ میں نیوزی لینڈ کو 259 کے اسکور پر آؤٹ کر دیا۔
آج یہاں نیوزی لینڈ کے کپتان ٹام لیتھم نے ٹاس جیت کر پہلے بیٹنگ کا فیصلہ کیا ہے۔ بیٹنگ کے لیے آنے والی نیوزی لینڈ نے 76 کے اسکور پر دو وکٹیں گنوا دی تھیں۔ آٹھویں اوور میں روی چندرن اشون نے کپتان ٹام لیتھم (15) کو ایل بی ڈبلیو کر کے پویلین بھیج دیا۔ اس کے بعد انہوں نے 24ویں اوور میں ول ینگ (18) کو اپنا شکار بنایا۔
https://sportstar.thehindu.com/cricket/ind-vs-nz-live-score-2nd-test-day-1-india-v-new-zealand-scorecard-pune-weather-updates-highlights-streaming-info/article68787135.ece
ڈیون کونوے اور راچن رویندرا نے لنچ کے بعد تحمل سے بلے بازی کی اور اسکور میں 50 رنز کا اضافہ کیا۔ 44ویں اوور میں آر اشون نے ڈیون کونوے (76) کو آؤٹ کر کے اس شراکت کو توڑا۔ اس کے بعد واشنگٹن سندر نے راچن رویندرا (65) کو بولڈ کرکے پویلین بھیج دیا۔ ٹام بلنڈل (تین) کو بھی واشنگٹن نے آؤٹ کیا۔ ڈیرل مچل (18 ناٹ آؤٹ) جو سیٹل کرنے کی کوشش کر رہے تھے، کو واشنگٹن نے رن آؤٹ کیا۔ اس کے بعد واشنگٹن سندر نے نیوزی لینڈ کے کسی بلے باز کو جمنے نہیں دیا۔ گلین فلپس (نو)، مچل سینٹنر (33)، ٹم ساؤتھی (پانچ)، اعجاز پٹیل (چار) کو سندر نے شکار کیا۔ نیوزی لینڈ کی پوری ٹیم 79.1 اوورز میں 259 کے اسکور پر ڈھیر ہو گئی۔
ہندوستان کے لیے واشنگٹن سندر نے 23.1 اوور میں 59 رن دے کر سات وکٹ لیے۔ وہیں آر اشون نے 24 اوور میں 64 رن دے کر تین وکٹ لئے۔
