بی جے پی دنیا کی سب سے بڑی سیاسی جماعت؛ تنظیمی ڈھانچہ مزید مستحکم کرنے کا منصوبہ :رویندررینہ
جان محمد
جموں؍؍دس برس بعدہونے والے اسمبلی انتخابات میں اپنی شاندارکارکردگی کامظاہرہ کرنے کے باوجودحکومت بنانے سے کچھ قدم پیچھے رہ چکی بھارتیہ جنتاپارٹی نے ایک نئے جوش اورولولے کیساتھ آگے بڑھتے ہوئے اپنی تنظیمی طاقت کو مزید مستحکم کرنے کے لیے ’سنگٹھن پرو‘ کے تحت رکنیت سازی مہم کا آغاز کیا۔ اس سلسلے میں جموں میں ایک خصوصی ورکشاپ کا انعقاد کیا گیا جس میں پارٹی کے مرکزی اور علاقائی سطح کے سرکردہ رہنماؤں نے شرکت کی۔ ورکشاپ کا مقصد رکنیت سازی کے عمل کو مزید مؤثر اور بڑے پیمانے پر فروغ دینا تھا تاکہ بی جے پی خطے میں اپنی موجودگی کو مزید مستحکم کر سکے۔
https://jkbjp.in/
تفصیلات کے مطابق جموں و کشمیر میں بھارتیہ جنتا پارٹی (بی جے پی) کی تنظیمی مضبوطی کے لیے ‘سنگٹھن پرو’ کے تحت رکنیت سازی مہم کا آغاز ایک خصوصی ورکشاپ کے ساتھ کیا گیا۔ جموں میں منعقدہ اس ورکشاپ میں بی جے پی جموں و کشمیر کے صدر روندیر رینا سمیت کئی سینئر رہنماؤں نے شرکت کی، جن میں سنیل شرما، اشوک کول، جگل کشور شرما، ڈاکٹر نرمل سنگھ، کویندر گپتا اور شمشیر سنگھ منہاس شامل تھے، جو پارٹی کی خطے میں مضبوطی کی عکاسی کرتا ہے۔
اس موقع پر ڈاکٹر راجدیپ رائے، سابق رکن پارلیمنٹ اور تریپورہ بی جے پی کے پر بھاری، جو کہ’سنگٹھن پرو‘ کی قومی ٹیم کے رکن بھی ہیں، نے مرکزی خطاب کیا۔ انہوں نے ورکشاپ کے دوران رکنیت سازی کے عمل کی تفصیلات پیش کیں، جس میں آن لائن اور آف لائن دونوں طریقوں کو سادہ اور آسان بنایا گیا ہے، خاص طور پر ہیلپ لائن نمبر 8800002024 کے ذریعے نئے اراکین کو شامل کرنے پر زور دیا۔
پارٹی صدر جموں وکشمیر روندیر رینا نے اپنے خطاب میں بی جے پی کی 2014 اور 2019 کی رکنیت سازی مہمات کی بے مثال کامیابی پر روشنی ڈالی، جنہوں نے بی جے پی کو عالمی سطح پر سب سے بڑی سیاسی جماعت بنا دیا، یہاں تک کہ چین کی کمیونسٹ پارٹی کو بھی پیچھے چھوڑ دیا۔ انہوں نے اس بات پر زور دیا کہ 2019 کی مہم آرٹیکل 370 کی منسوخی کے ساتھ ہوئی تھی اور جموں و کشمیر میں 16 لاکھ سے زائد افراد کو بی جے پی کی رکنیت دلانے میں اہم کردار ادا کیا۔رینا نے پارٹی کارکنان سے اس مرتبہ بھی بڑے ہدف کے حصول کی اپیل کی، اور کہا کہ ہر 18 سال سے زائد عمر کے فرد کو بی جے پی کا رکن بنانے کے لیے 8800002024 پر کال کر کے اس مہم کا حصہ بنائیں۔
اشوک کول نے جموں و کشمیر میں کامیاب رکنیت سازی مہم کے بارے میں تفصیل سے بتایا اور اعلان کیا کہ 27 اکتوبر کو ضلعی سطح پر بھی اسی طرح کی ورکشاپس منعقد کی جائیں گی۔ انہوں نے جموں و کشمیر کے تمام اضلاع کے لیے ضلعی انچارجز کے نام بھی پیش کیے، اور کہا کہ کسی بھی مشکل کے لیے ہیلپ لائن نمبر 9240236431 پر رابطہ کیا جا سکتا ہے۔
ڈاکٹر راجیپ رائے نے رکنیت سازی کے آن لائن طریقہ کار کو ایک پریزنٹیشن کے ذریعے سمجھایا اور بتایا کہ ہیلپ لائن نمبر 8800002024 کے ذریعے رجسٹریشن کرائی جا سکتی ہے۔ انہوں نے مزید کہا کہ کم کنیکٹیویٹی والے علاقوں میں آف لائن طریقہ بھی موجود ہے، اور قومی سطح پر کسی بھی مشکل کے لیے ہیلپ لائن نمبر 8860147147 پر رابطہ کیا جا سکتا ہے۔
بی جے پی جموں و کشمیر کے نائب صدر اسیم گپتا نے ’سنگٹھن پرو‘ کا تعارف پیش کرتے ہوئے بتایا کہ بی جے پی اپنی تنظیمی جمہوریت کو برقرار رکھنے میں ممتاز ہے۔ انہوں نے کہا کہ پارٹی کی تنظیمی انتخابات اور رکنیت سازی مہم کو تہوار کی طرح منایا جاتا ہے، اسی لیے اس عمل کو ‘سنگٹھن پرو’ کا نام دیا گیا ہے۔ورکشاپ کی نظامت انکش گپتا نے کی، جبکہ منیش کھجوریا نے اظہار تشکر پیش کیا۔جموں و کشمیر میں بی جے پی کی رکنیت سازی مہم کی کامیابی کو آنے والے انتخابات کے پیش نظر اہم قرار دیا جا رہا ہے، اور اس ورکشاپ نے پارٹی کی جڑوں کو مضبوط کرنے کے عزم کو اجاگر کیا۔
