پی ڈی پی کانگریس،این سی اتحاد ہوں گے تو بڑی بات ہوگی:ڈاکٹر فاروق عبداللہ
لازوال ڈیسک
سرینگر؍؍جموں و کشمیر میں کانگریس,این سی اتحاد ’’اکثریت‘‘کے ساتھ برسراقتدار آئے گا، نیشنل کانفرنس کے صدر فاروق عبداللہ نے اتوار کو کہا کہ یہ اچھی بات ہے کہ پیپلز ڈیموکریٹک پارٹی (پی ڈی پی) ) ان میں شامل ہونے کے لیے تیار ہے۔
جب پی ڈی پی لیڈر کے تبصرے کے بارے میں جب ان سے پوچھا گیا کہ پارٹی بی جے پی کو اقتدار سے دور رکھنے کے لیے کانگریس،این سی اتحاد میں شامل ہونے کے لیے تیار ہے، تو انہوںنے بتایا، ’’ان کو مبارک ہو، یہ بہت اچھی بات ہے، ہم سب ایک ہی راستے پر ہیں، نفرت۔ کو ہم نے ختم کرنا ہے ہمیں نفرت کو ختم کرنے اور جموں و کشمیر کو متحد رکھنے کی ضرورت ہے‘‘۔تاہم فاروق عبداللہ نے ایگزٹ پول پر تبصرہ کرنے سے انکار کرتے ہوئے کہا ’’ 8 اکتوبر کو جب اسمبلی انتخابات کی گنتی ہونے والی ہے تو نتائج سب کے سامنے ہوں گے۔8اکتوبر کو تمام نتائج آپ کے سامنے ہوں گے، باکس کھلیں گے اور ہمیں پتہ چل جائے گا کہ کون کہاں کھڑا ہے۔ لیکن میں اتنا جانتا ہوں کہ کانگریس-این سی اتحاد اکثریت کے ساتھ حکومت بنائے گا‘‘۔
اس سے قبل ہفتے کے روز،لال چوک اسمبلی سیٹ سے پی ڈی پی کے امیدوار زوہیب یوسف میر نے اشارہ دیا کہ وہ بی جے پی کو اقتدار سے دور رکھنے کے لیے کانگریس،این سی اتحاد میں شامل ہو سکتے ہیں ۔انہوں نے بتایا کہ وہ کشمیر کی شناخت کو بچانے کے لیے کوئی بھی قدم اٹھانے کے لیے تیار ہیں۔انہوں نے کہا،’’جہاں تک ہمارا تعلق ہے، ایگزٹ پول کوئی سنجیدہ سرگرمی نہیں ہے بلکہ ٹائم پاس کی سرگرمی ہے۔ پی ڈی پی کو یقین ہے کہ یہ جموں و کشمیر میں بننے والی سیکولر حکومت کا ایک ناگزیر اور اہم حصہ ہوگا۔ کسی بھی سیکولر حکومت کی تشکیل میں پی ڈی پی کا اہم رول ہوگا۔ ہم نے کہا تھا کہ ہم کشمیر کے تشخص کو بچانے کے لیے کوئی بھی قدم اٹھانے کے لیے تیار ہیں لیکن اس کے لیے ضروری ہے کہ ہم ایک سیکولر حکومت بنائیں، بی جے پی کے خلاف حکومت ان کے ساتھ نہیں‘‘۔مختلف ایگزٹ پولس نے کانگریس،این سی کے سخت دوڑ میں آگے ہونے کی پیش گوئی کی ہے۔
