لازوال ویب ڈیسک
سری نگر، //فوج کی پندرہویں کور کے کمانڈر لیفٹیننٹ جنرل راجیو گھائی کا کہنا ہے کہ کشمیر میں گذشتہ
چند برسوں کے دوران سیکورٹی صورتحال میں غیر معمولی بہتری واقع ہوئی ہے۔
انہوں نے کہا کہ کشمیر میں سیکورٹی صورتحال کو قائم رکھنا سیکورٹی فورسز کے لئے سب سے بڑا چیلنج ہوتا ہے۔
https://kashmirreader.com/2024/10/03/to-maintain-peaceful-atmosphere-in-kashmir-biggest-challenge-for-security-forces-goc-15-corps-lt-gen-rajiv-ghai/
ان باتوں کا اظہار کورکمانڈرنے سری نگر میں نامہ نگاروں سے بات چیت کے دوران کیا۔
انہوں نے کہاکہ جموں وکشمیر میں امن و قانون کی صورتحال بہتری کے ساتھ ساتھ حالات بھی یکسر تبدیل ہوئے ہیں۔
ان کا مزید کہنا تھا کہ جموں وکشمیر میں دہشت گردی آخری مرحلے میں ہیں ۔
فوجی کمانڈر کے مطابق یہ واضح ہے کہ سرحد کے اُس پار سے یہاں پر دہشت گردی کو ہوا دی جارہی ہیں۔
کشمیر کی موجودہ صورتحال کے بارے میں پوچھے گئے سوال کے جواب میں کور کمانڈر نے کہا کہ جموں وکشمیر میں حالات بہتری کی جانب گامزن ہے۔
انہوں نے کہاکہ پر امن ماحول کو برقرار رکھنا فورسز کے لئے اب سب سے بڑا چیلنج ہے۔
انہوں نے کہاکہ امسال دہشت گرد تنظیموں میں کوئی فعال بھرتی نہیں ہوئی ، گزشتہ سال ایک درجن کے قریب نوجوانوں نے بندوق کو گلے لگایا امسال یہ تعداد صفر تک پہنچ گئی ہے۔
فوجی کمانڈر نے کہاکہ جموں وکشمیر میں دہشت گردی کے واقعات میں بھی غیر معمولی کمی واقع ہوئی ہے اور حالات اب پوری طرح سے نارمل ہو چکے ہیں۔
سرگرم دہشت گردوں کی تعداد کے بارے میں پوچھے گئے سوال کے جواب میں کور کمانڈر نے کہاکہ اس وقت خطے میں صرف 80 ملی ٹینٹ سرگرم ہیں۔
کشمیر میں تعینات سیکورٹی فورسز کی تعداد میں کمی کے بارے میں پوچھے گئے سوال کے جواب میں کور کمانڈر نے کہاکہ ابھی اس کو برقرار رکھنے کی ضرورت ہے۔
انہوں نے کہاکہ ابھی فوج کی تعداد میں کمی کرنے کا سوال ہی پیدا نہیں ہوتا ۔
جی او سی نے کہاکہ گزشتہ ڈیڑھ سال کے دوران کشمیر میں دہشت گردی کے خلاف انتہائی مضبوط اور کامیاب آپریشن چلائے گئے جس دوران متعدد دہشت گردوں کو انجام تک پہنچایا جائے گا۔
ان کا مزید کہنا تھا کہ پولیس ، فوج اور دیگر سیکورٹی ایجنسیوں کے درمیان آپسی تال میل کی وجہ سے ہی یہ سب کچھ ممکن ہو پایا ہے۔
