باہو اسمبلی حلقہ سے ڈی پی اے پی لیڈر صوبت علی نے گھر گھر جا کر لوگوں سے ملاقاتیں کیں
لازوال ڈیسک
جموں// انتخابی مہم کے آخری دن آج یہاں ڈیموکریٹک پروگریسو آزاد پارٹی (ڈی پی اے پی) کے باہو حلقہ کے امیدوار صوبت علی نے باہو، بھٹنڈی، ناڑوال، سینک کالونی، چوڑی اور دیگر علاقوں میں گھر گھر جا کر لوگوں سے ملاقات کی اور ان سے اپیل کی کہ وہ ان کے حق میں ووٹ دیں تاکہ وہ منتخب عوامی نمائندے کے اختیار سے علاقے کے مسائل حل کر سکیں۔وہیںاس دوارن صوبت علی نے علاقے کے لوگوں کے مسائل بھی سنے۔باہو حلقہ کے مقامی لوگوں نے بے روزگاری، پانی اور بجلی کی ناقص فراہمی، منشیات کی لت، جرائم میں اضافہ، نکاسی آب کی ناقص سہولیات، غیر فعال اسٹریٹ لائٹس وغیرہ کا مسئلہ اٹھایا۔
https://x.com/ghulamnazad
جبکہ حلقہ کے عوام کی طرف سے اٹھائے گئے مسائل کا جواب دیتے ہوئے صوبت علی نے کہا کہ وہ جلد ہی ان مسائل کے حل کے لیے متعلقہ حکام تک پہنچائیں گے۔سینئر ڈی پی اے پی لیڈر اور جے ایم سی کے سابق کونسلر نے کہا کہ حلقہ کے سابقہ نمائندوں نے عوام کے مسائل پر کبھی توجہ نہیں دی اور پیسے بٹورنے میں مصروف رہے۔
صوبت علی نے کہا کہ اگر جیتنے کے لیے ووٹ دیا گیا، تو میری ترجیح منشیات کے اس مہلک مسئلے سے نمٹنا ہو گی جو ہمارے نوجوانوں کو کھا رہا ہے۔انہوں نے کہا میں پولیس کی مدد لوں گا تاکہ منشیات کی لت کے مسئلے سے نمٹا جا سکے۔ قومی اور ملٹی نیشنل کمپنیوں میں بے روزگاری کے مسئلے کو حل کرنے کے لیے جو نشے کی سب سے بڑی وجہ ہے۔انہوں نے لوگوں پر زور دیا کہ غلام نبی آزاد کی قیادت میں ڈی پی اے پی کے اقتدار میں آنے سے جموں و کشمیر میں ترقی، امن اور ترقی کا دور آئے گا۔صوبت علی نے باہو حلقہ کے لوگوں سے کہا کہ وہ یکم اکتوبر 2024 کو بالٹی کا بٹن دبا کر ان کے حق میں ووٹ دیں تاکہ وہ اقتدار میں آکر باہو کو ایک ماڈل حلقہ بنا سکیں۔انہوں نے کہا کہ عوام کو این سی، کانگریس، پی ڈی پی اور بی جے پی کے بڑے بڑے وعدوں کا شکار نہیں ہونا چاہئے جو وہ اقتدار میں آنے پر کبھی پورا نہیں کر پائے جیسا کہ ماضی میں ان کی حکومت سے ظاہر ہے۔
