کہاراہل گاندھی پاکستان اور عبداللہ خاندان کے اشاروں پر ریاستی درجہ کی بات کر رہے ہیں
’’راہل گاندھی عوامی مسائل سے غافل ایک شہزادے کی طرح جموں وکشمیرکادورہ کررہے ہیں‘‘
لازوال ڈیسک
جموں؍؍بی جے پی کے قومی جنرل سیکرٹری ترون چگ نے آج اے آئی سی سی کے لیڈر اور لوک سبھا میں قائد حزب اختلاف راہل گاندھی کو آڑے ہاتھوں لیتے ہوئے کہا کہ وہ جو بیان دے رہے ہیں وہ جھوٹ اور افواہوں کے سوا کچھ نہیں ہے۔
https://jkbjp.in/
پارٹی کارکنوں سے خطاب کرتے ہوئے چگ نے کہا کہ بی جے پی پہلے ہی جموں و کشمیر کو ریاستی درجہ بحال کرنے کے لیے پرعزم ہے، لیکن یہ مضحکہ خیز ہے کہ راہل گاندھی اس موضوع پر زور دے رہے ہیں کیونکہ ان کے پاس جموں و کشمیر کی ترقی اور خوشحالی کا کوئی ویژن نہیں ہے۔
چگ نے کہا کہ راہل گاندھی جموں و کشمیر کو خوابوں کی سرزمین سمجھ کر آتے ہیں اور یہاں کے عوام کے زمینی مسائل سے جڑنے میں ناکام رہتے ہیں۔انہوں نے کہا کہ راہل کو سب سے پہلے ان غلطیوں کے لیے معافی مانگنی چاہیے جو پنڈت نہرو نے جموں و کشمیر کے عوام کے ساتھ کیں اور اس کے بعد کانگریس نے پاکستان کی آئی ایس آئی کے ساتھ جو اتحاد بنایا جس نے جموں و کشمیر میں بدامنی پیدا کی۔
چگ نے راہل گاندھی کو شدید تنقید کا نشانہ بناتے ہوئے کہا کہ وہ پاکستان اور عبداللہ خاندان کے اشاروں پر ریاستی درجہ کی بات کر رہے ہیں۔ جموں و کشمیر کے نوجوانوں اور خواتین کے مسائل پر توجہ ہونی چاہیے تھی، لیکن راہل گاندھی ہمیشہ ناکام رہیں گے کیونکہ وہ جموں و کشمیر کے عوام کے مسائل سے ناآشنا ہیں۔
وہ یہاں ایک شاہی سیاح کی طرح آئے ہیں اور ایک ایسی تقریر کی ہے جو عبداللہ خاندان نے لکھی ہے تاکہ پاکستان میں اپنے سرپرستوں کو خوش کر سکیں۔چگ نے کہا کہ مودی حکومت نے جموں و کشمیر کے عوام کو ایک نئی روشنی دکھائی ہے، جس نے اس یونین ٹیریٹری کو ملک کا سیاحتی مرکز بنا دیا ہے جبکہ راہل گاندھی کی پارٹی اور عبداللہ خاندان نے اسے دہشت گردی کا گڑھ بنا دیا تھا۔
