کہامودی حکومت کے فلاحی اقدامات نے عبداللہ اور گاندھی خاندانوں میں خوف و ہراس پیدا کیا ہے
لازوال ڈیسک
https://jkbjp.in/
جموں؍؍سابق وزیر اعلیٰ عمر عبداللہ کے اس بیان پر ردعمل ظاہر کرتے ہوئے کہ مرکزی حکومت کے پاس وزراء کی کونسل میں ایک بھی وزیر مسلم نہیں ہے، بی جے پی کے سینئر لیڈر اور راجیہ سبھا کے رکن پارلیمنٹ غلام علی کھٹانہ نے مودی حکومت کے فلاحی اقدامات کو اجاگر کرتے ہوئے آج ان دعوے کا جواب دیا۔کھٹانہ نے کہا کہ ان اقدامات نے عبداللہ اور گاندھی جیسے خاندانوں میں خوف و ہراس پیدا کیا ہے، جنہوں نے، ان کے مطابق، ووٹ بینک کی سیاست کے ذریعے کئی دہائیوں تک مسلم کمیونٹی کو پسماندہ رکھا۔
کھٹانہ نے این سی-کانگریس اتحاد سے سوال کرتے ہوئے کہا کہ جس نے لائن آف کنٹرول (ایل او سی) بنائی اور سیاسی فائدے کے لیے پاکستان کے ساتھ یکطرفہ جنگ بندی کے معاہدے شروع کیے،سخت حقیقت یہ ہے کہ عبداللہ اور گاندھیوں نے پورے ملک میں مسلمانوں کو پسماندہ کر دیا ہے۔انہوں نے انتخابی ادوار میں مسلمانوں کی اچانک تشویش پر مزید تنقید کرتے ہوئے دعویٰ کیا کہ 70 سالوں سے ان سیاسی خاندانوں نے کمیونٹی کی حالت زار کو نظر انداز کیا۔ کھٹانہ نے زور دے کر کہا کہ بی جے پی بلا امتیاز تمام شہریوں کو بااختیار بنانے کے لیے کام کر رہی ہے اور اپوزیشن لیڈروں کے اس طرح کے بیانات کی کوئی اہمیت نہیں ہے۔انہوں نے کہاکہ جموں و کشمیر کے لوگ اچھی طرح جانتے ہیں کہ گاندھی اور عبداللہ نے مسلمانوں کے ساتھ کیا سلوک کیا ہے۔ آج، ملک میں مسلمان خوش ہیں، اور یہ لوگ اپنی مطابقت کھو چکے ہیں۔
