یونیورسٹی کے وائس چانسلر پروفیسر اکبر مسعود نے کامیابی پر دونوں فیکلٹی ممبران کو مبارکباد دی
لازوال ڈیسک
https://www.bgsbu.ac.in/
راجوری؍؍بابا غلام شاہ بادشاہ یونیورسٹی کے دو فیکلٹی ممبران شعبہ نباتیات کے ڈاکٹر محمد اصغر اور ڈاکٹر عارف تسلیم جان، اسٹینفورڈ یونیورسٹی یو ایس اے کی طرف سے سال 2024 کے لیے مطلع کئی گئی دنیا کے سرفہرست 2فیصد سائنسدانوں میں شامل ہیں۔یونیورسٹی کے وائس چانسلر پروفیسر اکبر مسعود نے کامیابی پر دونوں فیکلٹی ممبران کو مبارکباد دی۔ وائس چانسلر نے کامیابی کو بی جی ایس بی یو کی پوری تدریسی برادری کے لیے اعزاز اور وقار کا مسئلہ قرار دیا۔ پروفیسر اکبر نے کہا کہ اس پہچان نے بابا غلام شاہ بادشاہ یونیورسٹی کو تحقیق کے عالمی نقشے میں جگہ دی ہے۔پروفیسر اکبر نے کہا کہ یہ کامیابی یونیورسٹی کی علمی اور تحقیقی شراکت کو نمایاں طور پر اجاگر کرتی ہے۔