’’اردوہماری تہذیب و تمدن کی امین ہے اردو زبان کے ساتھ ہمارا جذباتی رشتہ ہے‘‘

جسٹس بشیر احمد سعید کالج چنئی میں اردو انجمن ’’کہکشاں ‘‘ کے سالانہ اجلاس سے ڈاکٹر امان اللہ ایم بی کا خطاب

لازوال ڈیسک
نئی دہلی//جسٹس بشیر احمد سعید کالج چنئی میں ۳ستمبر۴۲۰۲ ء کو اردو انجمن ’’کہکشاں ‘‘ کا سالانہ اجلاس منعقد ہوا ۔ جلسہ کی صدارت کالج کی پرنسپل محترمہ ڈاکٹر امتہ العزیز نے فرمائی ۔ مہمانِ خصوصی ڈاکٹر امان اللہ ایم بی نے اپنی تقریر میں اردو زبان و ادب کی تعلیم کی اہمیت و ضرورت پر زور دیتے ہوئے طلباء کی تربیت مسابقتی ضرورتوں کے ساتھ ساتھ اخلاقی قدروں کی آمیزش پر بھی ہونی چاہئے ۔ انھوں نے مزید کہاکہ اردو ہماری تہذیب و تمدن کی امین ہے اور اس سے ہماری شناخت بنتی ہے لہٰذا اردو کے ساتھ جذباتی وابستگی ضروری ہے ۔ اردو کی سند یافتہ با صلاحیت نوجوان نسل بیکار نہیں ہے کسی بھی طرح وہ روزگار سے جڑ سکتی ہے ۔ اردو کے طلباء کو مایوسی یا احساس کمتری کا شکار نہیں ہونا چاہیے ۔ خود کی ایسی تربیت کریں جس سے نہ صرف شخصیت میں نکھار پیدا ہوگا بلکہ زندگی کو کامیاب طور سے گزار نے کا حوصلہ بھی پیدا ہوگا ۔ گریجویشن کے بعد ماسٹرس اور مسابقتی امتحان میں کامیابی کے لئے کوشش ضرور کرنی چاہیے ۔ تعلیمی میدان میں سرخروئی کے ممکن اقدامات اٹھانا چاہیے ۔ اساتذہ خوب استفادہ کرتے ہوئے کتابوں کا بھرپور مطالعہ کرنا چاہیے ۔

https://www.urducouncil.nic.in/
جلسہ کا آغاز تلاوت کلامِ پاک سے ہوا بعدازاں ایک طالبا نے پرترنّم نعت پیش کرکے سامعین کو محظوظ کیا ۔ ڈاکٹر نکہت سلطانہ،صدر، شعبہَ اردو نے مہمان کا تعارف اور استقبالیہ کلمات پیش کیں ۔ نظامت کے فراءض کالج کی ایک ہونہار طالباء نے انجام دئے ۔ اس تقریب تمل ناڈو کے مایہ ناز شاعر رباعی جہاں کے بے تاج بادشاہ جناب اصغر ویلوری کی رحلت پر اظہار تعزیت بھی پیش کی گئی ۔ ہدیہَ تشکر پر جلسہ اختتام کوپہنچا ۔