یواین آئی
لاہور؍؍ پاکستان کرکٹ بورڈ نے آسٹریلیا کے دورے کے لیے اپنی قومی ٹیسٹ اور ٹی ٹوئنٹی ٹیم کا اعلان کردیا ہے جس میں سابق کپتان سرفراز احمد کو کسی بھی ٹیم میں جگہ نہیں ملی ہے تاہم خوشدل شاہ اور موسی پہلی مرتبہ ٹی ٹوئنٹی ٹیم میں جگہ بنانے میں کامیاب رہے جبکہ نسیم شاہ اور کاشف بھٹی پہلی مرتبہ ٹیسٹ ٹیم کا حصہ بن گئے ۔قذافی اسٹیڈیم میں پریس کانفرنس کرتے ہوئے ہیڈ کو چ اور چیف سلیکٹر مصباح الحق نے کہا کہ آسٹریلیا میں سیریز ہمیشہ بڑی اہم رہی ہیں اور آسٹریلیا کو ہرانے کا ایک یہ ہی طریقہ ہے کہ جارحانہ کرکٹ کھیلیں ،ہماری حکمت عملی ہی یہی ہے کہ نوجوانوں پر اعتماد کریں،نسیم شاہ اور موسیٰ خان کا اس وقت بڑا نام چل رہا ہے ۔ ٹی ٹوئنٹی کرکٹ ٹیم :بابر اعظم( کپتان ) آصف علی، فخر زمان، حارث سہیل، افتاب احمد، حماد وسیم، امام الحق، خوش دل شاہ، محمد عامر، محمد حسنین، محمد عرفان، محمد رضوان (وکٹ کیپر)، موسیٰ خان، شاداب خان، عثمان قادر اوروہاب ریاض ۔ٹیسٹ ٹیم : اظہر علی (کپتان )، عابد علی، اسد شفیق، بابر اعظم، حارث سہیل، امام الحق، عمران خان سینئر، افتخار احمد، کاشف بھٹی، محمد عباس، محمد رضوان (وکٹ کیپر)، موسی خان، نسیم شاہ، شاہین شاہ آفریدی، شان مسعود اور یاسر شاہ ۔پروگرام:31اکتوبر: کرکٹ آسٹریلیا الیون کے خلاف ٹی ٹوئنٹی وارم اپ میچ3 نومبر: پہلا ٹی ٹوئنٹی میچ5 نومبر: دوسرا ٹی ٹوئنٹی میچ8 نومبر: تیسرا ٹی ٹوئنٹی میچ11تا13نومبر: کرکٹ آسٹریلیا الیون کے خلاف تین روزہ میچ15تا16نومبر: کرکٹ آسٹریلیا الیون کے خلاف دو روزہ میچ21تا 25نومبر: پہلا ٹیسٹ میچ29 نومبر تا 3 دسمبر: دوسراٹیسٹ میچ (ڈے اینڈ نائٹ)
