کہامیں نے امن اور استحکام کی جلد واپسی کے لیے ہندوستان کی مکمل حمایت کا اعادہ کیا
لازوال ڈیسک
نئی دہلی؍؍وزیر اعظم نریندر مودی نے پیر کی دیر شام امریکی صدر جو بائیڈن کے ساتھ فون پر بات کی اور یوکرین اور بنگلہ دیش کی صورتحال سمیت کئی عالمی مسائل پر تبادلہ خیال کیا۔مسٹر مودی نے بعد میں سوشل میڈیا پلیٹ فارم ایکس پر اس کی اطلاع دی۔ انہوں نے کہا ‘‘آج میں نے امریکی صدر جو بائیڈن سے فون پر بات کی۔ ہم نے یوکرین کی صورتحال سمیت مختلف علاقائی اور عالمی امور پر وسیع پیمانے پر تبادلہ خیال کیا۔ میں نے امن اور استحکام کی جلد واپسی کے لیے ہندوستان کی مکمل حمایت کا اعادہ کیا۔‘‘انہوں نے کہا ’’ہم نے بنگلہ دیش کی صورتحال پر بھی تبادلہ خیال کیا اور حالات کو جلد از جلد بحال کرنے اور بنگلہ دیش میں اقلیتوں بالخصوص ہندوؤں کے تحفظ کو یقینی بنانے کی ضرورت پر زور دیا۔‘‘
