لازوال ڈیسک
پونچھ؍؍ڈسٹرکٹ ڈویلپمنٹ کمشنر راہل یادو نے آج مہاتما گاندھی نیشنل رورل ایمپلائمنٹ جنریشن ایکٹ (ایم جی این آر ای جی اے) ، پی ایم اے وائی اور دیگر اسکیموں کے تحت چلائے جانے والے ترقیاتی کاموں کی صورتحال کا جائزہ لینے کے لئے ایک افسروں کی میٹنگ کی صدارت کی۔ اس میٹنگ میں اے سی ڈی عبد القیوم میر ، ایگزیکٹو انجینئر آر ڈبلیو سریندر کمار ، بی ڈی او این ایس ایس بی ، بی ڈی او منڈی ، بی ڈی او منکوٹ ، بی ڈی اوسرنکوٹ / مینڈھر اور دیگر متعلقہ افسران و اہلکار شریک تھے۔ڈی ڈی سی نے جی آئی ایس پلان / ایم جی این آر ای جی اے کے تحت ہونے والے مختلف ترقیاتی کاموں جیسے پانی کی ٹینکوں کی تعمیر ، ٹریکٹر سڑکیں ، بنکرز ، پانی جمع کرنے والے ٹینکوں ، عمارتوں کے کاموں ، پنچایت گھر ، آنگنوری مراکز اور دیگرکا تفصیلی جائزہ لیا ۔ انہوں نے متعلقہ افسران کو ہدایت کی کہ وہ 2017-18 اور 2018-19ء کے لئے مختلف اسکیموں کے تحت تمام زیر التواء بلوں کی منظوری کو یقینی بنانے کے علاوہ تمام ترقیاتی کاموں پر کام کی رفتار کو تیز کریں۔ڈی ڈی سی نے متعلقہ بی ڈی اوز کو ہدایت کی کہ وہ موبائل ایپ کے ذریعے موبائل مانیٹرنگ سسٹم کو اپ گریڈ کریں اور منریگا کے تحت سنترپتی موڈ پر جی آئی ایس پلان تیار کریں۔ انہوں نے جیو ٹیگنگ کے تمام زیر التواء کاموں کو جلد سے جلد انجام دینے کی ہدایت کی اور پی ایم اے وائی کے مستحقین کو بروقت ادائیگی کے لئے سخت ہدایات دیں۔
