کے تعاون سے ایچ آئی وی ،ایڈز سے آگاہی کیلئے آئی ای سی مہم کا آغاز کیا
لازوال ڈیسک
جموں//ریڈ ربن کلب گورنمنٹ ڈگری کالج نیلی نالہ، ادھمپور نے جموں و کشمیرایڈز کنٹرول سوسائٹی کے تعاون سے ایچ آئی وی ،ایڈز سے آگاہی کے لیے ایک تیز آئی ای سی مہم کا آغاز کیا جس میں ” کلِکس سے ترقی تک: نوجوان ” کے موضوع پر "بین الاقوامی یوتھ ڈے” پر پوسٹر بنانے کا مقابلہ منعقد کیا گیا۔ وہیں یہ تقریب کالج کی پرنسپل پروفیسر (ڈاکٹر) سیما اروڑہ کی قابل رہنمائی میں منعقد ہوئی۔ پروگرام کا مقصد طلباء میں اس مہلک بیماری کے بارے میں آگاہی پیدا کرنا تھا۔وہیں کل 15 طلباء نے اپنی تخلیقی صلاحیتوں کو ظاہر کرنے اور ان کے خیالات کی عکاسی کرتے ہوئے اپنے پوسٹرز آویزاں کئے۔ ان کے غیر معمولی آرٹ ورک نے مہلک بیماری سے نمٹنے میں کمیونٹی کی قیادت کے بارے میں ایک طاقتور پیغام پہنچایا۔
وہیںاس موقع پر خطاب کرتے ہوئے پرنسپل نے ایڈز کے بارے میں جاننے کی اہمیت پر زور دیا تاکہ اس خوفناک بیماری سے خود کو دور رکھا جا سکے۔ انہوں نے ایڈز کی وجوہات اور نتائج پر غور کیا اور طلباء کو آگاہ کیا کہ کس طرح ہر کوئی ملک اور پوری دنیا کے عام لوگوں میں ایڈز سے متعلق آگاہی پھیلانے میں فعال کردار ادا کر سکتا ہے۔ پرنسپل نے شرکاء کی کاوشوں کو سراہا اور انہیں مبارکباد دی۔ ڈاکٹر سنیل تنوچ (ایچ او ڈی سوشیالوجی) تقریب کے کنوینر تھے۔ تقریب میں موجود دیگر افراد میں ڈاکٹر مانسی شرما، پروفیسر ریکھا شرما، پروفیسر شائستہ یاسمین، مسٹر راجیشور سنگھ جموال شامل تھے۔
