جموں۔
ملک کے 78ویں یوم آزادی پر راشٹریہ سویم سیوک سنگھ کےکارکنوں نے جموں و کشمیر میں مختلف مقامات پر پرچم لہرا کر تحریک آزادی کے نائکوںکو سلامی دی۔ شہر میں مرکزی پروگرام کیشو بھون میں منعقد کیا گیا تھا جو کہ سنگھ کے صوبائی ہیڈکوارٹر امبپھالہ میں واقع ہے۔اس موقع پر آر ایس ایس کے ریاستی سنگھ چالک ڈاکٹر گوتم منگی نے پرچم کشائی کی۔ پرچم کشائی کے ساتھ ساتھ قومی ترانہ بھی بجایا گیا اور بعد ازاں ڈاکٹر گوتم منگی نے پروگرام میں موجود سیکورٹی فورسز کو مٹھائیاں پیش کرکے انہیں خراج تحسین پیش کیا اور انہیں یوم آزادی کی مبارکباد دی۔ اس پروگرام کا اہتمام ڈاکٹر ہیڈگیوار میموریل ٹرسٹ، جموں و کشمیر نے کیا تھا۔
سنگھ کے ریاستی سنگھ چالک ڈاکٹر گوتم منگی نے اس موقع پر اپنے مختصر خطاب میں پورے جموں و کشمیر 
صوبے کو یوم آزادی کی مبارکباد دیتے ہوئے کہا کہ آج کا دن تمام ہم وطنوں کے لیے فخر کا لمحہ ہے۔ اس لیے یہ تہوار ملک کے آزادی پسندوں کے تئیں اظہار تشکر کا تہوار بھی ہے۔انہوں نے کہا کہ ملک مسلسل ترقی کی راہ پر گامزن ہے اور وشو گرو بننے کی طرف گامزن ہے اور ملک آزادی کے بعد سات دہائیوں سے زائد کا سفر مکمل کر چکا ہے۔ابہمیں بہت سے چیلنجز کا سامنا کرنے کے لیے تیار رہنا ہوگا۔ اس کے بعد پروگرام کا اختتام بھارت ماتا کی جئے اور بندے ماترم کے نعروں کے ساتھ ہوا۔اس موقع پر سنگھ کے پرانت ودھیالین پرمکھ سنجے کمار، مختلف معززین، کارکنان اور سیکورٹی فورسز کے اہلکار موجود تھے۔
