ؒلازوال ڈیسک
جموں؍؍ڈین فیکلٹی آف آرٹس اورصدرشعبہ اُردوجموں یونیورسٹی پروفیسرشہاب عنایت ملک کوکشمیریونیورسٹی کے چانسلراورریاستی گورنرستیہ پال ملک نے آئندہ تین برسوں کیلئے کشمیریونیورسٹی کی سینڈیکیٹ کا رکن نامزدکردیاہے۔پروفیسرشہاب ملک انتظامیہ کے ساتھ ساتھ مختلف قومی اوربین الاقوامی سطح کے سیمیناروں کے انعقادکاوسیع تجربہ رکھتے ہیں۔پروفیسرموصوف دودرجن سے زائدکتابوں کے مصنف ہیںاوراُردوزبان وادب کے فروغ کے سلسلے میںمختلف ممالک مثلاً انگلینڈ،ماریشس ،پاکستان اورمصرکادورہ بھی کرچکے ہیں۔پروفیسرشہاب عنایت ملک ملک کی مختلف یونیورسٹیوں اوردیگرسرکاری تنظیموں مثلاً جنرل کونسل جے اینڈ کے اکیڈمی آف آرٹ ،کلچراینڈلنگویجز، بورڈ آف سٹڈیزاِن اُردوکشمیریونیورسٹی،پنجاب یونیورسٹی، چندیگڑھ اورامراوتی یونیورسٹی وغیرہ کے بھی رکن ہیں۔اس سے پہلے مختلف ادبی وثقافتی تنظیموں کی طرف سے پروفیسرشہاب عنایت ملک کواُردوزبان کی ترقی کیلئے انجام دی گئی خدمات کیلئے مختلف اعزازات سے بھی نوازاجاچکاہے۔پروفیسرموصوف رساجاودانی میموریل لٹریری سوسائٹی کے صدر،آل انڈیایونیورسٹیز اُردوٹیچرایسوسی ایشن کے جنرل سیکریٹری اور انڈوایفروایشین رائٹرس ایسوسی ایشن کے ریاستی سیکریٹری کے طورپرخدمات انجام دے رہے ہیں
