طلبائ،این ایس ایس رضاءکاروں اور فیکلٹی نے بڑھ چڑھ کر حصہ لیا
لازوال ڈیسک
پونچھجموں وکشمیر سوچھتا پکھواڑا 2024 کی ایک سیریز کے طور پرشری کرشن چندر گورنمنٹ ڈگری کالج پونچھ کے این ایس ایس یونٹوں نے محکمہ جنگلات پونچھ کے تعاون سے ایک شجرکاری مہم کا انعقاد کیا۔ واضح رہے شجرکاری مہم، جس کا مقصد کام کی جگہوں پر درخت لگا کر شہداءکو عزت دینا ہے، ماحولیاتی تحفظ کے ساتھ اپنے ہیروز کا احترام کرنے کی ایک اہم تحریک کا آغاز ہے۔اس مہم کا آغاز درخت لگانے کی تقریب سے ہوا، جس میں ڈاکٹر شمیم احمد بانڈے، ایسوسی ایٹ پروفیسر آف زولوجی، ڈاکٹر خلیل احمد (این ایس ایس پروگرام آفیسر)، محمد فاروق خان (فاریسٹر)، ان کے ساتھیوں اور این ایس ایس کے رضاکاروں نے بڑھ چڑھ کر حصہ لیا اور درخت لگائے۔واضح رہے یہ مہم کالج پرنسپل ڈاکٹر جسبیر سنگھ کی نگرانی میں کالج کیمپس میں منعقد ہوئی۔ انہوں نے اس اقدام کی اہمیت پر زور دیتے ہوئے دعویٰ کیا کہ ’ایک پیڑ شہیدوں کے نام‘ مہم محض خراج تحسین سے زیادہ ہے۔ انہوں نے مزیدکہاکہ یہ ایک پائیدار مستقبل کی طرف لے جانے والے ایک سرسبز اور زیادہ پائیدار ماحول میں حصہ ڈال کر اپنے شہداءکو عزت دینے کا عہد ہے۔
