غزل

عمران راقم
9163916117

دکھوں  کے دن یہاں  ٹلتے نہیں ہیں
خوشی  کے  اب ثمر پھلتے نہیں ہیں

لہو  دل کا جلانا ہوں  میں خود سے
دیے   خیرات  میں  جلتے  نہیں ہیں

نہ  ہو  اشکوں  کی بارش گر زمیں پر
چمن کے پھول بھی کھلتے نہیں ہیں

امیر   شہر   کو   دیکھا  ہے  میں  نے
محبت  سے   کبھی  ملتے  نہیں  ہیں

چلے   جب  بھی  زمانہ  ساتھ  لے  کر
اکیلے   ہم   کبھی   چلتے   نہیں  ہیں

وہی   کرتے   ہیں   روشن    نام  اپنا
جو   بچے   ناز   سے  پلتے  نہیں ہیں

کسی کو  دیکھ   کر  اورج  فلک  پر
خدا  شاہد    کبھی   جلتے نہیں ہیں

تحمل    کام     کرتا       ہے   ہمیشہ
ہزاروں  غم  یونہی  پلتے   نہیں ہیں

خسارا   روزو   شب   ہوتا  ہے  لیکن
کف  افسوس   ہم   ملتے   نہیں ہیں

الگ  معیار     ہے   اپنا   بھی  راقم
ہر اک سانچے میں ہم ڈھلتے نہیں ہیں