کیلیفورنیا، 28 جولائی (یو این آئی) شمالی کیلیفورنیا میں جنگل میں لگی زبردست آگ (پارک فائر) تین دنوں میں تقریباً 1400 مربع کلومیٹر تک پھیل گئی ہے اور یہ ملک کی تاریخ کی ساتویں سب سے بڑی جنگل کی آگ بن گئی ہے۔
کیلیفورنیا ڈیپارٹمنٹ آف فاریسٹری اینڈ فائر پروٹیکشن (کیل فائر) نے ہفتہ کی سہ پہر سوشل میڈیا ایکس پر ایک پوسٹ میں کہاکہ "پارک فائر کیلیفورنیا میں 10 سب سے بڑی جنگل کی آگ کی فہرست میں ساتویں نمبر پر آ گیا ہے۔”
پوسٹ میں کہاگیا ہے کہ "آگ کا پھیلاؤ فائر فائٹرز کے لیے ایک چیلنج بنا ہوا ہے، کیونکہ آگ اب 345,000 ایکڑ (1,396.2 مربع کلومیٹر) سے زیادہ تک پھیل چکی ہے۔”
چیکو کے قریب ایک پارک میں آگ بدھ کی سہ پہر لگی تھی۔
کیل فائر کے مطابق یہ تیزی سے شمال کی طرف جنگل والے علاقے میں پھیل گیا، جو 400 ایکڑ (1.7 مربع کلومیٹر) سے بڑھ کر 71,000 ایکڑ (287.3 مربع کلومیٹر) تک کئی گھنٹوں میں بڑھ گیا۔
ہفتہ کی سہ پہر تک قابو پانے کی کوششیں ختم ہو چکی تھیں اور کیل فائر نے آگ کے تیزی سے پھیلنے کی وجہ سے صفر فیصد قابو پانے کی اطلاع دی۔
دو افراد زخمی اور ایک اندازے کے مطابق 134 ڈھانچے تباہ ہو گئے۔
آگ سے 4,200 اضافی ڈھانچے کو خطرہ لاحق ہوگیا، جس سے بٹے اور تہامہ کاؤنٹیز کے ہزاروں رہائشیوں کو اپنے گھر خالی کرنے پر مجبور ہونا پڑا۔
کیلیفورنیا کے دارالحکومت سیکرامنٹو کے شمال میں واقع پیراڈائز کے پورے شہر کو ہفتے کے روز خالی ہونے کی وارننگ دی گئی۔
