سری نگر،27جولائی(یو این آئی) شہرہ آفاق جھیل ڈل میں فور شور روڈ کے نزدیک تین افراد کی لاشیں برآمد کی گئی ہیں۔
اطلاعات کے مطابق ہفتے کی سہ پہر فور شور روڈ کے نزدیک جھیل ڈل کے کنارے تین افراد کی لاشیں دیکھی گئیں اور اس بارے میں پولیس کو مطلع کیا گیا۔
پولیس ٹیم فوری طورپر جائے موقع پر پہنچی اور لاشوں کو تحویل میں لے کر ان کی شناخت کے لئے کارروائی شروع کی ہے۔
پولیس کا کہنا ہے کہ کمسن لڑکے اور دو خواتین کی لاشیں برآمد کی گئیں ۔
انہوں نے کہا کہ مذکورہ افراد کیسے پانی میں ڈوب گئے اس بارے میں تحقیقات شروع کی گئی ہے۔
