شہڈول، 25 جولائی (یو این آئی) مدھیہ پردیش کے شہڈول ضلع میں جب لائسنس منسوخ ہونے کے بعد بھی اسپتال کام کرنے کی حالت میں پایا گیا تو ضلع انتظامیہ نے اسے سیل کردیا۔
ذرائع کے مطابق املائی میں واقع جیون جیوتی ہسپتال کا لائسنس حال ہی میں کئی بے ضابطگیاں سامنے آنے کے بعد منسوخ کر دیا گیا تھا۔ اس کے بعد ہسپتال کو ضابطے کے مطابق بند کیا جانا تھا۔ اس کے باوجود کل ضلعی محکمہ صحت کی ٹیم نے اسپتال کو کام کرتے پایا۔
جب ضابطے کی خلاف ورزی کی گئی تو ضلع ہیلتھ آفیسر ڈاکٹر راجیش مشرا کی ٹیم نے مہم کے حصہ کے طور پر جانچ کی اور اسپتال کو سیل کردیا۔
