بی جے پی کے کٹر کارکن سرجیت سنگھ منہاس کانگریس میں شامل ہوئے،پارٹی کارکنان نے کیا خیر مقدم
لازوال ڈیسک
جموں؍؍ ادھے بھانو چب، یوتھ کانگریس جموں و کشمیر کے سابق صدر اور فی الحال انڈین یوتھ کانگریس (IYC) کے قومی جنرل سکریٹری اور جموں و کشمیر پردیش کانگریس کمیٹی کے نائب صدر ہری سنگھ چِب نے آج اس بات کا اعادہ کیا کہ کانگریس پارٹی ایک واحد قوت کے طور پر کھڑی ہے جو جموں و کشمیر کے لوگوں کو درپیش مسائل کو مؤثر طریقے سے حل کرنے کی صلاحیت رکھتی ہے۔کانگریس کے سینئر قائدین جموں شمالی اسمبلی حلقہ میں منعقدہ ایک جلسہ عام کے دوران تبادلہ خیال کررہے تھے۔
وہیںاجتماع سے تبادلہ خیال کرتے ہوئے ادھے بھانو چب نے جموں و کشمیر میں منتخب حکومت کی عدم موجودگی میں عام لوگوں کو درپیش مسائل پر روشنی ڈالی۔ انہوں نے اس بات پر زور دیا کہ معاملات کے حوالے سے افسران عام لوگوں کو درپیش مسائل سے لاتعلق ہیں، جو سمارٹ میٹروں کی تنصیب اور بجلی کے بھاری بلوں کی ادائیگی کے باوجود بجلی اور پانی کی بے قاعدگی سے دوچار ہیں۔ انہوں نے کہا کہ اس صورتحال نے شہریوں کی روزمرہ کی زندگیوں کو نمایاں طور پر متاثر کیا ہے، ان کی جدوجہد کو بڑھا دیا ہے اور ان کے مجموعی معیار زندگی کو بری طرح متاثر کیا ہے۔
اس دوران ہری سنگھ چب نے اس بات پر زور دیا کہ کانگریس پارٹی، جو اپنی جامع پالیسیوں اور ثابت قدم قیادت کے لیے مشہور ہے، ان اہم مسائل کے پائیدار حل فراہم کرنے کے لیے پرعزم ہے۔انہوں نے کہا کہ اس مشکل وقت میں، یہ بات پوری طرح واضح ہے کہ صرف کانگریس پارٹی ہی اپنے لوگوں کے حقیقی خدشات کو سمجھنے اور ان سے نمٹنے کے لیے درکار وژن اور لگن رکھتی ہے۔ہری سنگھ چب نے شمالی اسمبلی طبقہ کے لوگوں سے آئندہ اسمبلی انتخابات میں کانگریس کی حمایت کرنے کی اپیل کی۔اس تقریب کے دوران، بی جے پی کے ایک کارکن، سرجیت سنگھ منہاس، اپنے حامیوں کے ساتھ، کانگریس پارٹی میں شامل ہوئے جن کا پارٹی کارکنان اور لیڈران نے کانگریس خاند ان میں پرجوش استقبال کیا۔
