ست شرما نے 10 ویں اور 12 ویں کے ہونہار طلباء کو مبارکباد پیش کی
لازوال ڈیسک
جموں؍؍ سابق کابینی وزیر ست شرمانے جموں کے اوم پیلس میں 10 ویں اور 12 ویں جماعت کے ہونہار طلباء کو ان کی سخت محنت اور اہم امتحانات میں شاندار کارکردگی دکھانے پر مبارکباد دی۔واضح رہے پروگرام کا اہتمام کشانت، موہت وید اور راج کمار نے کیا تھا۔اس موقع پر بی جے پی جموں کے ضلع صدر پرمود کپاہی، منیش کھجوریا، ایچ ایس منکوٹیہ، اتل بخشی، کیشو چوپڑا اور دیگر سرکردہ افراد بھی موجود تھے۔اس موقع پر 12 ویں کلاس کی اشیکا سلوترا، سمرن کول، مانوی برگوترا، نندنی شرما، خوشی شرما، تنوی سلوترا، وویک کمار گوتم، خوشی تارا، وششت شرما، جانوی شرما کو اعزاز سے نوازا گیا۔
اس موقع پر میتالی بھاردواج، پریشا آنند، پریشا جنڈیال، ساحل پال، اکشت پراشر، بھومی کماری، انجلی شرما، انکیتا راجپوت، گورو مہرا، اور ہرشیتا ڈوگرا کو دسویں جماعت میں کامیابی کیلئے مبارکباد دی گئی۔وہیںمستقل مزاجی اور محنت کی اہمیت پر زور دیتے ہوئے ست شرما نے ہونہار طلباء سے کہا کہ وہ اپنے اچھے کام کو جاری رکھیں اور کہا کہ جیت اور سیکھنا کبھی غلطیوں اور ہاروں کے بغیر نہیں آتا۔ انہوں نے ان سے کہا کہ وہ اپنے لیے ایک ہدف طے کریں اور اپنا نقطہ نظر واضح کریں اور اس بات پر بھی زور دیا کہ اخلاقیات کے بغیر تعلیم بے معنی ہے۔ انہوں نے ان سے کہا کہ وہ اپنی مزید تعلیم اور کیریئر کو آگے بڑھاتے ہوئے قوم پرستی اور دوسروں کے لیے ہمدردی کے بنیادی اصولوں کو اپنائیں۔
ست شرما نے ان طلباء کی کامیابی پر والدین اور اساتذہ کو بھی مبارکباد دی اور کہا کہ ان کی کارکردگی دوسروں کو بھی بہتر کرنے کی ترغیب دے گی۔پرمود کپاہی نے کہا کہ اس طرح کی تقریبات امتحان میں شاندار تعلیمی کارکردگی کے لیے طلبہ کی حوصلہ افزائی کرتی ہیں۔ انہوں نے مزید کہا کہ کسی شخص سے سب کچھ چرایا جا سکتا ہے لیکن اس کی تعلیم نہیں۔ انہوں نے ان سے یہ بھی کہا کہ وہ علمی مضامین کے ساتھ جامع علم کی بھوک میں اضافہ کریں۔
