کہامودی حکومت ہمارے سماج اور ملک کی مجموعی ترقی میں یقین رکھتی ہے
لازوال ڈیسک
جموں؍؍جے اینڈ کے بی جے پی کے سابق صدر اور سابق کابینہ وزیر ست شرما سی اے نے وارڈ نمبر 12، کرشنا نگر محلہ، جموں میں عوامی شکایات سنیں۔اس موقع پر جتیندر کور، پرتیبھا شرما، وریندر ڈوگرا، پنکج سونو، رمیش کمار، انیل انگرال، سرجیت چب، پشپندر سنگھ اور دیگر بھی موجود تھے۔وہیںبی جے پی کے سینئر لیڈر کے سامنے پانی کی کمی، پنشن، صفائی ستھرائی، اور اسی نوعیت کے دیگر مسائل سے متعلق مسائل کو پیش کیا گیا۔ست شرما نے ان کے مسائل اور شکایات کو سنتے ہوئے انہیں جلد از جلد ضروری کام کرنے کا یقین دلایا اور ان کے مسائل کے جلد از جلد نمٹانے کے لیے متعلقہ حکام سے فوری طور پر بات کی۔
ست شرما نے عوامی مسائل کو جلد از جلد حل کرنے کے لیے پارٹی کے عزم کا اعادہ کیا۔ انہوں نے کہا کہ مودی حکومت ہمارے سماج اور ملک کی مجموعی ترقی میں یقین رکھتی ہے۔ انہوں نے کہا کہ بی جے پی کے ایک وقف کارکن کی حیثیت سے وہ سال میں 365 دن عوام کی خدمت کے لئے تیار ہیں اور عوام کو یقین دلایا کہ وہ ان کے مسائل کو حل کرنے میں کوئی کسر نہیں چھوڑیں گے۔
وہیںعلاقے کے سرکردہ اراکین نے، اپنے مسائل کو کم کرنے کے لیے لیڈر کی بے تابی سے متاثر ہو کر کہا کہ انہیں پوری طرح یقین ہے کہ صرف بی جے پی ہی ان کے مسائل کو حل کرنے کے لیے زمینی سطح پر کام کرتی ہے۔ ان کا کہنا تھا کہ عوام کی طرف سے اٹھائے گئے مسائل انتہائی حقیقی نوعیت کے ہیں اور سینئر رہنما کو عوام کے دکھوں کو کم کرنے کے لیے اپنا کردار ادا کرنا چاہیے۔
