شملہ // ہماچل پردیش کے وزیر اعلی سکھویندر سنگھ سکھو نے اپوزیشن لیڈر اور سابق وزیر اعلی جئے رام ٹھاکر پر حملہ کرتے ہوئے کہا کہ جیسے چھ چیف پارلیمانی سکریٹریز (سی پی ایس) پر مسٹر ٹھاکر کہہ رہے ہیں کہ ان کی رکنیت چلی جائے گی ویسے ہی ہمیں بھی لگتا ہے کہ بھارتیہ جنتا پارٹی (بی جے پی) کے نو ارکان اسمبلی کی رکنیت جاسکتی ہے۔
ریاست کے سابق وزیر اعلی ویربھدر سنگھ کو خراج عقیدت پیش کرنے کے بعد میڈیا کے نمائندوں سے بات کرتے ہوئے وزیر اعلیٰ نے کہا کہ بجٹ اجلاس کے دوران نو بی جے پی اراکین کی طرف سے ہنگامہ آرائی کا معاملہ اسمبلی اسپیکر کے زیر غور ہے۔ ان کی برطرفی کا حتمی فیصلہ اسپیکر کریں گے۔ جس طرح جے رام ٹھاکر چھ سی پی ایس پر کہہ رہے ہیں کہ ان کی رکنیت ختم ہو جائے گی، اسی طرح ہمیں بھی یہ کہنا ہے کہ بی جے پی کے نو ارکان کی رکنیت ختم ہو سکتی ہے۔ مسٹر ٹھاکر عدالت میں جاری سی پی ایس کیس پر بیان دے کر قواعد کی خلاف ورزی کر رہے ہیں۔
تین اسمبلی ضمنی انتخابات کے بارے میں مسٹر سکھو نے کہا، ”یہ ضمنی انتخابات عوام پر مسلط کیے گئے ہیں۔ تین آزاد امیدواروں کو استعفیٰ دینے کی ضرورت کیوں پیش آئی، ایسا پہلے کبھی نہیں ہوا۔ اگر ان کا کام آزاد رہتے ہوئے نہیں ہو رہا تھا تو کیا یہ بی جے پی میں شامل ہونے کے بعد ہو گا؟
