منالی،// ہماچل پردیش میں اختتام ہفتہ پر سیاحتی مقامات روہتانگ، شنکولہ، بارہ لاچا اور چندرتل میں کا میلہ لگ گیا ہے۔ ہفتہ کے روز ان تمام سیاحتی مقامات پر برف کی سفید چادر سے سیاحوں کا استقبال کیا گیا۔
منالی کے مشہور سیاحتی مقام روہتانگ میں سیاحوں کا ہجوم دیکھا گیا۔ روہتانگ جانے کے لیے 28 جون تک تمام پرمٹ پہلے ہی بک کر لیے گئے ہیں۔ ہفتہ کے روز ماتا ہڈمبا مندر میں دن بھر سیاحوں کی بھیڑ رہی۔ منالی کے تمام سیاحتی مقامات پر جوش وخروش تھا۔ تین دنوں کے اندر سیاحتی شہر منالی میں 11 ہزار سے زیادہ سیاحوں کی گاڑیاں پہنچ چکی ہیں۔
بیرونی ریاستوں سے 2942 گاڑیاں بدھ کے روز منالی پہنچیں، جمعرات کے روز 3120، جمعہ کے روز 3130 اور ہفتہ کے روز تقریباً 3400 گاڑیاں آئیں۔ ریاست کے مختلف سیاحتی مقامات سے 15,000 سے زیادہ سیاحوں کی گاڑیاں بھی تین دنوں میں منالی آئیں۔ ہفتہ کے روز روہتانگ درہ میں دن بھر سیاحوں کا میلہ لگا رہا۔ صبح 4 سے 12 بجے تک سیاحوں کی گاڑیاں منالی سے روہتانگ کے لیے روانہ ہوتی رہیں۔
منالی کے ایس ڈی ایم رمن شرما نے کہا کہ روہتانگ کے تمام پرمٹ 28 جون تک پیشگی بک کر لیے گئے ہیں۔ دوسری جانب لاہول کے جسپا اور سرچو میں بھی سیاحوں کی آمد میں اضافہ ہوا ہے۔ تین سو سے زیادہ گاڑیاں شنکولہ کے لیے روانہ ہوئیں جبکہ تین سو سے زیادہ سیاحوں کی گاڑیاں بارہ لاچہ اور سرچو کی طرف روانہ ہوئیں۔ اسپیتی کی طرف آنے والے زیادہ تر سیاح چندرتل جھیل کی سیر کر رہے ہیں۔ لاہول اسپتی کے ایس پی میانک چودھری نے کہا کہ ضلع کے تمام سیاحتی مقامات سیاحوں سے کھچا کھچ بھرے ہوئے ہیں۔
