ریلائنس جیو بین الاقوامی ’’سی ڈی پی کلائمیٹ‘‘ ایوارڈ سے سرفراز

لازوال ڈیسک

نئی دہلی؍؍ریلائنس جیو انفوکوم لمیٹڈکو سال 2022-23 کے لیے سی ڈی پی کلائمیٹ’ ایوارڈ سے نوازا گیا ہے کمپنی کو یہ ایوارڈ ماحولیاتی تبدیلیوں کو روکنے اور کاربن فٹ پرنٹ کو کم کرنے کے لیے دیا گیا ہے بین الاقوامی درجہ بندی ایجنسی کاربن ڈسکلوزر پروجیکٹ یعنی سی ڈی پینے ریلائنس جیو کو اپنی کوششوں کے لیے A درجہ بندی دی ہے 2019 کے بعد یہ پہلا موقع ہے جب جیوکو A ریٹنگ ملی ہے بھارتی ٹیلی کام سیکٹر کی دوسری بڑی کمپنی بھارتی ایئرٹیل کو بی ریٹنگ دی گئی ہے۔
سی ڈی پی A کی درجہ بندی صرف ان کمپنیوں کو دی جاتی ہے جو ماحولیات کے میدان میں قیادت کا مظاہرہ کرتی ہیں۔ کمپنی کو موسمیاتی تبدیلی، جنگلات کی کٹائی اور پانی کی حفاظت جیسے مسائل پر سی ڈی پی کو اپنے کاموں اور طریقوں کا انکشاف کرنا پڑتا ہے۔ اس کے ساتھ کمپنیوں کو موسمیاتی تبدیلیوں پر قابو پانے اور پانی کے خطرات کو کم کرنے کے لیے حکمت عملی تیار کرنا اور ان پر عمل درا?مد کرنا ہوتا ہے۔
جیو کے ترجمان نے کہا،ہمیں موسمیاتی تبدیلی سے متعلق دنیا کا سب سے بڑا ایوارڈ جیتنے پر فخر ہے۔ کاربن فٹ پرنٹ کم کرنے میں ریلائنس جیو کی لیڈر شپ کے ویزن اور عہد نے غیر معمولی رول ادا کیا ہے۔ جیو کو دیا گیا Aگریڈ، کمپنی کے کلائمیٹ چینج روک تھام کیلئے اپنائے گئے طور طریقوں پر ایک مہر ہے۔
درجہ بندی کے حوالے سے سی ڈی پی نے کہا کہ جن کمپنیوں کو اے ریٹنگ ملی ہے وہ موسمیاتی تبدیلی کے معاملے میں سب سے زیادہ باخبر اور شفاف کمپنیاں ہیں۔ ہماری درجہ بندی اہم ماحولیاتی معیارات کا خاکہ پیش کرتی ہے اور یہ ڈیٹا ا?پ کو کمپنیوں کے درمیان تقابلی مطالعہ کرنے کی اجازت دیتا ہے۔ سی ڈی پی موسمیاتی” ایوارڈ کے علاوہ، ریلائنس جیو کو ’’ سی ڈی پی سپلائر مصروفیت” میں بھی A ریٹنگ ملی ہے۔