اندر کلچرل فورم کے اہتمام سے میٹنگ میں کانفرس کو کامیاب بنانے کا عزم
شافیہ گلفام
سرینگر؍؍سالانہ الغدیر کانفرنس منانے کے حوالے سے اندر کلچرل فورم اندرکوٹ سمبل کی جانب سے فورم کے سربراہ سلیم یوسف کی سربراہی میں بونہ محلہ اندرکوٹ میں ایک اہم میٹنگ منعقد ہوئی جس میں سالانہ الغدیر کانفرنس منانے کے حوالے سے تبادلہ خیال کیا گیا اور کانفرنس کو منعقد کرنے کے لئے کئے گئے انتظامات کو حتمی شکل دی گئی۔کانفرنس میں شرکت کرنے والے مہمانوں کو بہتر سے بہتر سہولیات بہم رکھنے کے لئے بھی موثر اقدامات کئے گئے ہیں تاکہ الغدیر کانفرنس میں شریک مہمانوں کو کوئی تکلیف نہ پہنچے۔ میٹنگ میں اندر کلچرل فورم کے تمام ذمہ داران نے الغدیر کانفرنس کو کامیاب بنانے کے لئے اپنے عزم کو دہرایا۔میٹنگ میں اندر کلچرل فورم کے سربراہ سلیم یوسف نے فورم سے وابستہ تمام ممبران سے تلقین کی کہ الغدیر کانفرنس کے حوالے سے تمام لوازمات پورا کرنے کے لئے آج سے ہی کام شروع کریں۔بتادیں کہ اس سالانہ الغدیر کانفرنس کو منعقد کرنے کی جگہ اور تاریخ کا اعلان عنقریب کیا جائے گا۔
