لازوال ڈیسک
جموں// شرومنی سنت کبیر صاحب مہاراج کا 626 واں یوم پیدائش عقیدت و احترام کے ساتھ منایا گیا۔ وہیںایک متاثر کن شوبھا یاترا گاؤں کوٹلی گالہ بنا، آر ایس پورہ سے شروع ہوئی اور آر ایس پورہ کے مرکزی بازاروں سے ہوتی ہوئی چلی، جہاں مقامی لوگوں نے شرکا کا پرتپاک استقبال کیا اور عقیدت مندوں کو میٹھا پانی اور ریفریشمنٹ پیش کیا۔وہیںشوبھا یاترا کی شروعات سابق بلاک ڈیولپمنٹ کونسلر دلیپ کمار نے کی تھی اور اس میں چمن لال فلوریا (صدر)، درشن بھگت (سیکرٹری)، سرجیت سنگھ، جیت راج، بالک رام، ششی کمار، سوم ناتھ، سابق سرپنچ جیسی قابل ذکر شخصیات شامل تھیں۔ وہیںسورج پرکاش، گھارا رام (سابق ایم سی)، اور ڈاکٹر پریتی بھگت، وکی مہاجن بھی شوبھا یاترا میں شامل ہوئے۔سنت کبیر کی زندگی کے مختلف پہلوؤں کی عکاسی کرنے والی پرکشش جھانکیاں شوبھا یاترا کا حصہ تھیں جس میں جموں ضلع بھر سے شر دھالوںنے شرکت کی۔
وہیںاس موقع پر خطاب کرتے ہوئے چمن لال فلوریا نے کہا کہ شوبھا یاترا کا مقصد سدگورو کبیر مہاراج کے نظریہ فلسفہ کا پیغام دینا تھا جو کسی بھی مذہب، ذات یا نسل سے قطع نظر انسانیت اور تمام بنی نوع انسان کی فلاح و بہبود پر مبنی ہے۔انہوں نے سنت کبیر کی زندگی پر روشنی ڈالی اور سماج سے سماجی برائیوں کے خاتمے میں ان کے کردار کو اجاگر کیا۔ انہوں نے کہا کہ سنت کبیر کا سب سے بڑا تعاون سماجی اور معاشی انصاف پر مبنی ہم آہنگ معاشرے کے قیام میں تھا۔ انہوں نے کہا کہ یہ سنت کبیر ہی تھے جنہوں نے ایک ایسے معاشرے کا تصور کیا جہاں ہر فرد اور برادری کے ساتھ برابری کا سلوک کیا جائے گا۔
انہوں نے کہا کہ سنت کبیر جی جیسے عظیم سنتوں اور گرووں کی تبلیغ نے ہندوستانی سماج کے ارتقاء میں اپنی جامع ثقافت کی منفرد خصوصیت کے ساتھ بہت بڑا کردار ادا کیا ہے۔ انہوں نے لوگوں سے اپیل کی کہ وہ اس طرح کی روحانی تعلیمات کو اپنے اندر جذب کریں تاکہ آج کے دور افراتفری اور انتشار کے چیلنجوں کا مقابلہ کیا جا سکے۔بابا بھگوان داس جی مہاراج اور ماتا بملا دیوی سمیت بہت سی قابل احترام شخصیات نے مقامی اور دور دراز علاقوں سے آنے والے عقیدت مندوں کو اپنا مقدس آشیرواد دیا۔ بابا اْداس مارگ سنستھا کی جانب سے بھکتوں میں میٹھا نذرانہ تقسیم کیا گیا۔شوبھا یاترا کبیر نگر، کوٹلی گالہ بنا، آر ایس پورہ کے سنت کبیر مندر میں اختتام پذیر ہوئی۔ صدر چمن لال نے شر دھالوں سے گرو کے لنگر میں شرکت کی درخواست کی اور سبھی کو 4 جون 2024 (منگل) کو سنت کبیر مندر میں ہونے والے میگا جشن میں شرکت کی دعوت دی، ان پر زور دیا کہ وہ کنبہ، دوستوں اور پیاروں کے ساتھ شامل ہوں۔
