مظاہرین اور پولیس کے درمیان ہاتھاپائی اور تلخ کلامی کے مناظر بھی سامنے آئے
یو این آئی
جموں؍؍ جموں کے سالیرہ ارینا علاقے میں سمارٹ میٹرز کی تنصیب کے خلاف احتجاج کرر ہے لوگوں پر پولیس نے لاٹھی چارج کیا اور چند ایک کی گرفتاری عمل میں لائی۔اطلاعات کے مطابق منگل کے روز جموں کے سالیرہ ارینا میں جوں ہی متعلقہ محکمہ کی جانب سے سمارٹ میٹرز نصب کئے گئے تو خواتین سڑکوں پر نکل آئی اوراحتجاج شروع کیا۔معلوم ہوا ہے کہ مظاہرین اور پولیس کے درمیان ہاتھاپائی اور تلخ کلامی کے مناظر دیکھنے کو ملے۔ذرائع نے بتایا کہ اس موقع پر پولیس نے چند ایک مظاہرین کو دھر دبوچ کر سلاخوں کے پیچھے دھکیل دیا۔مقامی لوگوں نے الزام لگایا کہ سمارٹ میٹرز کی تنصیب کے خلاف پر امن طریقے سے بات کرنا چاہتے تھے لیکن پولیس نے لوگوں کی ایک نہیں سنی اورلاٹھی چارج کیا۔
