الیکشن کمیشن نے بارہمولہ پارلیمانی حلقہ میں187 خصوصی پولنگ سٹیشن قائم کئے
اِن سٹیشنوں کو ان کی منفرد ضروریات کو پورا کرنے کیلئے سہولیات سے لیس کیا گیا تھا:سی اِی او جموں وکشمیر
لازوال ڈیسک
سری نگر؍؍الیکشن کمیشن آف اِنڈیا ( اِی سی آئی) نے زیادہ سے زیادہ رائے دہندگان کو راغب کرنے اور اِنتخابی عمل کو خوشگوار بنانے کے مقصد سے بارہمولہ پارلیمانی حلقہ میں رائے دہندگان کے لئے مختلف زُمروں کے 187 خصوصی پولنگ سٹیشن قائم کئے ہیں جو آج لوک سبھا 2024ء کے عام اِنتخابات کے پانچویں مرحلے میں پولنگ کے لئے قائم کئے گئے تھے۔
اِن اِختراعی پولنگ سٹیشنوں میں خواتین سے چلانے والے پولنگ سٹیشن، جوانوں سے چلانے والے پولنگ سٹیشن ، جسمانی طور خاص اَفراد (پی ڈبلیو ڈی ) چلانے والے پولنگ سٹیشن، گرین پولنگ سٹیشن، بارڈر پولنگ سٹیشن، ماڈل پولنگ سٹیشن اور منفرد پولنگ سٹیشن بالخصوص خواتین، نوجوانوں، معذور افراد کی ضروریات کو پورا کرنے، ماحول دوست طرز عمل کو فروغ دینے اور خطے میں مختلف قسم کے رائے دہندگان کی ضروریات کو پورا کرنے کے لئے ڈیزائن کئے گئے تھے۔
پولنگ سٹیشن بارہمولہ پارلیمانی حلقہ کے چاروں اَضلاع میں مخصوص موضوعات کے تحت قائم کئے گئے تھے۔ضلع بارہمولہ میں خواتین سے چلانے والے چھ پولنگ سٹیشن، پی ڈبلیو ڈی اَفراد سے چلانے والے سات پولنگ سٹیشن، نوجوانوں سے چلانے والے سات پولنگ سٹیشن، آٹھ سبز، پندرہ سرحدی، تین منفرد اور اکیس ماڈل پولنگ سٹیشن قائم کئے گئے تھے۔ اِسی طرح ضلع کپواڑہ میں رائے دہندگان کی سہولیت کے لئے خواتین سے چلانے والے چھ پولسنگ سٹیشن،پی ڈبلیو ڈی اَفرادسے چلانے والے چھ پولنگ سٹیشن، نوجوانوںسے چلانے والے چھ پولنگ سٹیشن، چھ سبز، تیرہ سرحدی، چار منفرد اور بارہ ماڈل پولنگ سٹیشن قائم کئے گئے تھے۔اِسی طرح ضلع بانڈی پورہ میںخواتین سے چلانے والے تین پولنگ سٹیشن،پی ڈبلیو ڈی اَفراد سے چلانے والے تین پولنگ سٹیشن ،نوجوانوں سے چلانے والے دو پولنگ سٹیشن ،چار سبز، اکتیس بارڈر، دو منفرد اور پندرہ ماڈل پولنگ سٹیشن قائم کئے گئے تھے۔
ضلع بڈگام (27 اور 28 اسمبلی حلقوں) میں خواتین سے چلانے والے تین ،پی ڈبلیو ڈی سے چلانے والا ایک،نوجوانوں سے چلانے والا ایک پولنگ سٹیشن، ایک منفرد اور ایک ماڈل پولنگ سٹیشن قائم کیا گیا تھا۔نئے قائم کئے گئے پولنگ سٹیشنوں کا مقصد معاشرے کے تمام طبقوں کے لئے رسائی اور نمائندگی کو یقینی بنا کر اِنتخابی عمل میں انقلاب لانا ہے۔اِن پولنگ سٹیشنوں کو خواتین ، نوجوانوں اور پی ڈبلیو ڈی پر خصوصی توجہ سے ان کی منفرد ضروریات کو پورا کرنے کے لئے تیار کردہ سہولیات سے لیس کیا گیا تھا جس سے جمہوری عمل میں فعال شرکت کے لئے سازگار ماحول کو فروغ دیا گیا تھا۔مزید برآں، ماحولیاتی استحکام کے لئے الیکشن کمیشن کے عزم کو ان پولنگ سٹیشنوں پر سبز طریقوںکے عملانے سے ظاہر ہوتا ہے ۔ ماحولیاتی اثرات کو کم کرنے اور سبز مستقبل کو فروغ دینے کے لئے ہر پہلو کو احتیاط سے ڈیزائن کیا گیا ہے۔چیف الیکٹورل آفیسرجموںوکشمیر پانڈورانگ کے پولے نے اس سنگ میل کی پہل پر اظہار خیال کرتے ہوئے کہا کہ ان منفرد پولنگ سٹیشنوں کا قیام اِنتخابی عمل میں شمولیت اور دیرپایت کو فروغ دینے کے لئے ہماری لگن کو واضح کر تا ہے ۔ اُنہوں نے مزید کہا کہ الیکشن کمیشن کا ماننا ہے کہ ہر شہری کو اَپنے جمہوری حق کا اِستعمال کرنے کے لئے مساوی رَسائی حاصل ہونی چاہئے اور یہ پولنگ سٹیشن اس مقصد کو حاصل کرنے کی جانب ایک اہم قدم کی نمائندگی کرتے ہے۔
