ڈی سی گاندربل نے بالتل کے راستے امرناتھ یاترا کے حوالے سے کی جارہی تیاریواں کا جائزہ لیا
مختار احمد
گاندربل؍؍ضلع ترقیاتی کمیشنر گاندربل نے پیر کو شری امرناتھ یاترا کے سلسلے میں بالتل بیس کمپ میں کئے جارہے انتظامات کے حوالے سے بالتل کا دورہ کیا اور ایک جائزہ مٹینگ کی بھی صدارت کی مٹینگ میں متعلقہ محکموں کے علاوہ یاتریوں کو خدمات فراہم کرنے والوں کے نمائندوں کے ساتھ ایک مشترکہ میٹنگ کی جس میں بہم کی جانے والی خدمات کے معیار کو بڑھانا اور ان خدمات کے عوض دی جانے والی ریٹ بھی مقرر کئے۔ڈی سی نے مقررہ نرخوں پر عمل دارمد کرنے کی تلقین کی۔ سونمرگ میں اسٹیک ہولڈرز نے کمیشنر موصوف کو اپنی قیمتی تجاویز بیاں کئے اور یاترا کے احسن انعقاد کو یقینی بنانے کے لیے اپنے تعاون کا بھی یقین دلایا۔
میٹنگ میں اے ڈی ڈی سی گاندربل مشتاق احمد سمنانی ، ایس ڈی ایم کنگن، سی پی او، سی اے ایچ او، اسسٹنٹ لیبر کمشنر، اے آر ٹی او، اور دیگر ضلعی اور سیکٹرل افسران۔میٹنگ کے فورا بعد، ڈی سی نے دیگر افسران کے ساتھ بالتل کا بھی دورہ کرکے وہاں کی جارہی تیاریوں کا جائزہ لیا۔ انہوں نے متلقہ محکموں پر زور دیا کہ وہ ضروری خدمات جیسے پانی کی خراب پائپ لائنوں کی مرمت، بجلی کی ترسیلی نظام، بیت الخلا کی سہولیات، کواٹروں کی مرمت، ٹٹو اسٹینڈ کی باڑ لگانا، ٹٹو ٹریک کی تعمیر و تجدید، پارکنگ ایریاز، یاترا ٹریک کے ساتھ ریلنگ، کی بروقت تکمیل اور خراب موسم کے دوران یاتریوں کی حفاظت پر زور دیا۔
