کہا اپوزیشن پارٹیوں کے لیڈروں کے پاس عوام کو بیوقوف بنانے کا اب کوئی ذریعہ نہیں بچا
لازوال ڈیسک
جموں؍؍ نیشنل سکریٹری اور این سی پی کے قومی ترجمان یوتھ ونگ (شرد پوار) انجینئررشی کلم نے اپنی پارٹی کے نوجوانوں کی سرگرمیوں سے تبادلہ خیال کرتے ہوئے کہا کہ زمینی حقیقت یہ ثابت کرتی ہے کہ جے کے یو ٹی کے نام نہاد سیاسی رہنما اور وزرائے اعلیٰ اپنی بداعمالیوں، بدعنوانی کی وجہ سے اپنی ساکھ کھو چکے ہیں۔انہوں نے کہاکہ ہمارے پڑھے لکھے نوجوانوں کے ساتھ ناانصافی کے ذریعے پچھلے دروازے پر ہونے والی غیر قانونی تقرریوں نے ان کی مجرمانہ اور غیر اخلاقی ذہنیت کو بے نقاب کر دیا ہے۔ رشی نے کہا کہ اب بے شرم لیڈر عوام کے سامنے بے نقاب ہو گئے ہیں اور ان کے گناہوں نے انہیں اپنی بقا کے لیے ملک دشمن کے طور پر پیش کرنے اور اتحاد کرنے پر مجبور کر دیا ہے۔
ریشی نے محبوبہ مفتی پی ڈی پی صدر کے حالیہ بیانات پر تنقید کرتے ہوئے مزید کہا کہ عوامی امیج کو کھونے کے بعد آرٹیکل 370 اور 35 اے کی منسوخی کے ساتھ ساتھ دیگر اپوزیشن پارٹیوں کے لیڈروں کے پاس عوام کو بیوقوف بنانے کا کوئی ذریعہ نہیں ہے۔انہوں نے کہاکہ تمام نام نہاد لیڈر مایوس اور الگ تھلگ ہیں۔ رشی کلم نے مزید کہا کہ وادی کے سابق ایم ایل اے اور لیڈروں نے ریاستی فنڈز کو لوٹا۔انہوں نے کہاکہ محبوبہ مفتی نے اپنے بیان میں ہمیشہ ہندوستانی جھنڈے کی بے حرمتی کی تاکہ عوامی امیج کو دوبارہ حاصل کیا جاسکے اور لوگوں کو مشتعل کیا جاسکے لیکن انہیں معلوم ہونا چاہئے کہ جموں و کشمیر کے عوام خاص طور پر وادی کے لوگوں کو ان کے کرتوتوں کا پورا علم ہے۔
