جموں، سانبہ اور ادھم پور کے 56 شرکاء نے حصہ لیا، اے پی آر او دوم اور سوم کے مطابق مختلف چیزیں سیکھیں
لازوال ڈیسک
ادھمپور؍؍یونٹ لیڈروں کے لیے تین روزہ اورینٹیشن پروگرام اور اسکاؤٹس اور گائیڈز کے لیے ترتیا سوپن کیمپ کُد، پتنی ٹاپ ضلع ادھم پور میں منعقد ہوا۔ وہیںدونوں پروگراموں میں ضلع جموں، سانبہ اور ادھم پور کے 56 شرکاء نے بڑھ چڑھ کر حصہ لیا۔واضح رہے دونو ں پروگرام نصرین خان، ریاستی سکریٹری کم انتظامی افسر اور دیگر ریاستی افسران کی موجودگی میں منعقد ہوئے۔تاہم یہ پروگرام ایک صحت مند اور ہموار طریقے سے منعقد کیے گئے جہاں اسٹاف ممبران نے یونٹ لیڈرز، اسکاؤٹس اور گائیڈز کے اسکاؤٹنگ اور گائیڈنگ کے علم کو بڑھانے کے لیے اپنی پوری کوشش کی۔
یاد رہے یونٹ لیڈروں کے لیے اورینٹیشن پروگرام ٹریننگ فراہم کرنے، آپس میں دوستی کو فروغ دینے اور یونٹ لیڈروں کے درمیان مہارتوں کو بڑھانے کے لیے ضروری ہیں۔ اورینٹیشن کے ذریعے وہ نہ صرف اپنی قیادت کی نشوونما کو بڑھاتے ہیں بلکہ ٹیم ورک، آؤٹ ڈور اسکلز، اور کمیونٹی سروس جیسی اقدار کو ابھارنے میں بھی مدد کرتے ہیں۔ اس طرح کی واقفیت کا انعقاد یونٹ لیڈر کی ہمہ گیر ترقی کے عزم کی عکاسی کرتا ہے اور ایک مضبوط کمیونٹی کی تعمیر میں حصہ ڈالتا ہے۔
دریں اثناء ہر دن کیمپ کا آغاز دعا اور پرچم کشائی کی تقریب سے ہوا جس کے بعد روزمرہ کے معمولات کا چارٹ بھی شامل تھا۔وہیں یونٹ لیڈرز، اسکاؤٹس اور گائیڈز نے اپنے متعلقہ پروگرام کو اپنی زندگیوں کو بدلنے اور ان کے حوصلے بلند کرنے کا بہترین موقع سمجھا تاکہ وہ اپنے اندر ذمہ داری کا احساس پیدا کر سکیں جو خصوصی تعلیم اور تدریسی مہارتوں سے مالا مال ہو۔تاہم یونٹ لیڈر اسکاؤٹنگ اور گائیڈنگ کے نئے پروگرام اپ ڈیٹس سیکھنے کے قابل بھی تھے جبکہ اسکاؤٹس اور گائیڈز تریتیہ سوپن کی اہمیت کو جاننے کے قابل تھے اور انہوں نے اے پی آر او دوم اور سوم کے مطابق مختلف چیزیں سیکھیں۔
