مقررین نے ووٹنگ کے دن زیادہ سے زیادہ ٹرن آؤٹ حاصل کرنے کی اہمیت پر زور دیا
لازوال ڈیسک
جموں// ڈسٹرکٹ الیکشن آفیسر جموں سچن کمار ویشیا کی ہدایات پر آج یہاں سچیت گڑھ بارڈر پوسٹ پر ایک ووٹنگ بیداری مہم کا انعقاد کیا گیا جس کا اہتمام ووٹرز کی تعلیم اور انتخابی شرکت پروگرام (سویپ) کے تحت کیا گیا۔اس تقریب کا آغاز اسسٹنٹ کمشنر ڈولپمنٹ جموں، ڈاکٹر وکاس شرما، جو نوڈل آفیسر سویپ بھی ہیں، نے پینٹنگ مقابلے کے ساتھ کیا۔پوسٹرز اور پلے کارڈز کا استعمال کرتے ہوئے، مہم میں شہریوں کے حق رائے دہی کی اہمیت پر زور دیا گیا۔آگاہی سرگرمیوں اور رسمی نمائشوں کے بعد تین رنگوں کے غباروں کا تماشہ آسمان پر چھوڑا گیا۔تقریب سے خطاب کرتے ہوئے ڈاکٹر وکاس شرما نے ووٹنگ، ووٹر رجسٹریشن اور ووٹنگ کے دن زیادہ سے زیادہ ٹرن آؤٹ حاصل کرنے کی اہمیت پر زور دیا۔
انتخابی عمل میں بڑھ چڑھ کر حصہ لینے کے بارے میں شعور اجاگر کرنے کے لیے ایک ریلی بھی نکالی گئی۔ مختلف پس منظر سے تعلق رکھنے والے شرکاء کے ایک گروپ نے حصہ لیا جس میں بوڑھے ووٹرز، خواتین ووٹرز اور نوجوان ووٹرز شامل تھے جنہوں نے اپنے آپ کو ووٹنگ کے حقوق اور ذمہ داریوں سے آشنا کیا۔تقریب کا اختتام ایک حب الوطنی کے ساتھ بارڈر سیکیورٹی فورس کے اہلکاروں کی رنگا رنگ پریڈ کے ساتھ ہوا، جس نے اس موقع کی مجموعی دلکشی اور روح کو مزید بڑھا دیا۔اے آر او سچیت گڑھ، راجیش کمار، بی ڈی او سچیت گڑھ شلیندر کمار، بی ڈی او آر ایس پورہ، پردیپ سنگھ، مقامی ڈوگری سنگرز بشمول سرس بھارتی، امر چوہان، سونالی ڈوگرا اور پیرا تائیکوانڈو چیمپئن چندیپ سنگھ کے علاوہ بی ایس ایف سچیت گڑھ بارڈر پوسٹ کے افسران بھی اس میگا ایونٹ میں موجود تھے۔ .
