ڈی ای او راجوری نے ایم سی ایم سی سیل کا معائنہ کیا

الیکشن کمیشن آف انڈیا کی طرف سے مقرر کردہ رہنما خطوط پر اس کی پابندی کو اجاگر کیا
لازوال ڈیسک
راجوری// ضلع الیکشن آفیسر (ڈی ای او) راجوری، اوم پرکاش بھگت نے یہاں پی ڈبلیو ڈی ڈاک بنگلو میں قائم میڈیا سرٹیفیکیشن اینڈ مانیٹرنگ کمیٹی (ایم سی ایم سی) سیل کا جامع معائنہ کیا۔اپنے دورے کے دوران، ڈی ای او نے سیل میں تعینات عملے کے ساتھ بات چیت کرتے ہوئے سیل کے ہموار کام کو یقینی بنانے کے لیے انتہائی خلوص اور تندہی سے کام کرنے کی بنیادی اہمیت پر زور دیا۔انہوں نے ضلعی سطح پر ایم سی ایم سی سنٹر کے اہم کردار پر زور دیا، اور الیکشن کمیشن آف انڈیا کی طرف سے مقرر کردہ رہنما خطوط پر اس کی پابندی کو اجاگر کیا۔ایم سی ایم سی سیل پیڈ نیوز کے خلاف دفاع کے طور پر کھڑا ہے، جو لوک سبھا انتخابات-2024 کے دوران انتخابی عمل کے تقدس کی حفاظت میں ایک اہم کردار ادا کرتا ہے۔
ڈی ای او نے آزادانہ، منصفانہ، شفاف اور ہموار انتخابی طرز عمل کے اصولوں کو برقرار رکھنے کے لیے ایک فعال موقف اپنانے کی ضرورت پر زور دیا۔باریک بینی سے جانچ پڑتال کے ذریعے، کمیٹی اس بات کو یقینی بناتی ہے کہ ٹیلی ویڑن، ریڈیو، سوشل میڈیا پلیٹ فارمز، اور کیبل نیٹ ورکس سمیت مختلف ذرائع سے ٹیلی کاسٹ یا نشر کیے جانے والے سیاسی اشتہارات الیکشن کمیشن کے قائم کردہ ریگولیٹری فریم ورک کی تعمیل کرتے ہیں۔ممبر سکریٹری ایم سی ایم سی (ڈسٹرکٹ انفارمیشن آفیسر) راجوری، نواز چودھری بھی دورے کے دوران ڈی ای او کے ساتھ تھے۔