مقامی عوام کا طبی معائنہ کر کے مفت ادویات بھی فراہم کی گئیں
لازوال ڈیسک
راجوری؍؍صحت کا حق کسی بھی ملک میں ہر فرد کا بنیادی حق ہے۔ بلاشبہ اچھی صحت سب سے بڑا خزانہ ہے۔ ہندوستانی فوج دور دراز گاؤں کے مکینوں کو صحت مند طرز زندگی کے لیے بنیادی طبی امداد فراہم کرنے کے لیے کوشاں ہے۔اسی سلسلے میں فوج نے کالاکوٹ، راجوری میں ایک طبی کیمپ کا انعقاد کیا۔ یہ طبی کیمپ دور دراز کے کالاکوٹ کے عوام کی فوری صحت کی دیکھ بھال کی ضرورت کو پورا کرنے کے لیے منعقد کیا گیا ۔اس موقع پرڈاکٹروں اور پیشہ ور افراد کی ایک ٹیم صحت کے مختلف خدشات کو دور کرنے کے لیے دستیاب تھی اور ماہرین کی رہنمائی جیسے طبی چیک اپ، خصوصی دیکھ بھال، صحت سے متعلق آگاہی سیشن وغیرہ کے ساتھ ساتھ انہیں ضروری ادویات بھی فراہم کیں۔واضح رہے ہندوستانی فوج کے میڈیکل کیمپ کا مقصد نہ صرف فوری صحت کی دیکھ بھال میں مدد فراہم کرنا ہے بلکہ باقاعدگی سے صحت کے چیک اپ اور صحت مند طرز زندگی کی اہمیت کے بارے میں بیداری پیدا کرنا ہے۔
