لوگوں سے کی ملاقاتیں، عوامی مسائل کے حل کے لیے افسران کو ہدایت کی
لازوال ڈیسک
راجوری؍؍ بی جے پی کے سینئر لیڈر اور ممبر پارلیمنٹ (راجیہ سبھا) غلام علی کھٹانہ نے رام بن بانہال، ریاسی اور ضلع راجوری کے دور دراز علاقوں کا دورہ کیا۔انہوں نے ان علاقوں کے سکولوں کا دورہ کیا اور سٹاف کی کمی کے مسائل کے حل کے لیے محکمہ تعلیم کے افسران سے بات کرنے کی یقین دہانی کرائی۔گول میں انہوں نے مقامی لوگوں کی زمین کے معاوضے کے معاملے کو حل کیا جس میں کے وی اور دیگر سرکاری منصوبوں کے لیے زمین لی گئی تھی۔
اس موقع پرکھٹانہ نے افسران کو ہدایت کی کہ وہ اس بات کو یقینی بنائیں کہ سرکاری پراجیکٹس میں مقامی لوگوں کو روزگار ملے۔اس موقع پر ایس ڈی ایم مہور سید مجاہد شاہ، پون گوسوامی، ایس ڈی ایم گول، تحصیلدار گول، ہرجیت سنگھ، بی ڈی او اور سب ڈویژن سطح کے افسران بھی موجود تھے۔اس کے بعد وہ عوامی وفود سے ملے اور ان کے مسائل سنے۔ وہیںکھٹانہ نے آنے والے وفود کو یقین دلایا کہ ان کے مسائل کو متعلقہ محکموں تک پہنچایا جائے گا۔ انہوں نے کہا کہ عوام کے تمام مسائل کو جلد از جلد حل کیا جائے اور افسران کو ہدایت کی کہ وہ ان علاقوں میں سکل ڈیولپمنٹ پروگرام شروع کریں تاکہ مقامی بے روزگاری کو دور کیا جا سکے۔
انہوں نے متعلقہ بی ڈی او کو ہدایت دی کہ وہ پنچایتوں کے روڈ کنیکٹیویٹی کے معاملے کو دیکھیں جہاں تک سڑک ابھی تک نہیں پہنچی اور نہ ہی ان مقامی لوگوں کو معاوضہ دیا جائے جن کی زمین سرکاری پروجیکٹوں کے لیے لی گئی ہے۔ایم پی کے ساتھ ملاقاتوں میں ڈی سی راجوری، ایس ایس پی راجوری اور انتظامیہ کے دیگر اعلیٰ افسران موجود تھے۔اس موقع پرکھٹانہ نے افسران سے کہا کہ وہ عوامی مسائل ان کی دہلیز پر حل کریں اور اس بات کو یقینی بنائیں کہ سرکاری محکمے سہولت مراکز بنیں نہ کہ افسران کے لیے آرام کی جگہ۔ایم پی نے انتظامیہ کے افسران سے کہا کہ وہ بانہال، رام بن، گول، بدھل، کوٹرنکا اور راجوری میں سڑکوں کا خاص خیال رکھیں۔
